Danɛl 8:1 - EBƆRƐ BE KAWƆL

¹ Bɛlshaaza ka ki ewura be kafɛ sasopo to nɛ n naŋ ku bɔrɛdare ere malɛ.

Danɛl 8:1 ပူးပေါင်းရင်းမြစ်များ

Ezikɛl 1:1

Ma ketre e la Ezikɛl nɛ n la bɔrɛmatapo nsaa la kanyɛn nɛ baa tre Buzi na pibinyɛn. B ka pɛ Juda be ewura nɛ baa tre Jehowachin nseŋ tintiŋ mo n yɔ Babilɔn be efuli so na be kafɛ nusopo to nɛ ma nɛ bumo nɛ b pɛ n ti mo so n yɔ na daa wɔ lɔr nɛ baa tre Kɛba na ase. Ma nfɛ adesa to be kufɔl nasopo to be kachɛ nusopo na nɛ Enyɛnpe Ebɔrɛ na be kubɔya ba ma kutɔ nɛ esoso bugi n shin nɛ ŋ ku bɔrɛdare ere.

Danɛl 1:17

Ebɔrɛ daŋ sa mbrantiɛfɔlbi ana na nwɔl be kenyi nɛ asheŋ be kepinto nna, nseŋ ta kebaa tiŋ a kute bɔrɛdare nɛ edare gbagba be afito be kenyi n ti Danɛl bre so.

Danɛl 10:2

Kumo be jemanɛ na so nɛ n wɔtɔ a shu keeli bɔkwe asa kikɛ.

Danɛl 10:7

N nawule e daŋ wu esa na ashi bɔrɛdare na to. Basa nɛ ma nɛ bumo daa la na bre daa maŋ wu mo, ama kufu daŋ pɛ bumo alegaiso nna nɛ b shile n ya ŋana.

Danɛl 11:4

Ama k maaŋ chɛr nɛ mbe efuli na e bure m barga to n yɔ durnya ere be abonfu ana ere kikɛ to. Nɛ efuli popɔrana nɛ amo be bewura maŋ shi ewura lempo na be kanaŋ to e bɔla amo to n lar. Bewuraana na malɛ maaŋ baa kɔ eleŋ fanɛ mo.

Danɛl 7:1

Bɛlshaaza ka ji Babilɔn be kuwura be kafɛ sososo to nɛ ma Danɛl dese kanyɛso ŋ ku bɔrɛdare nseŋ sibɛ kumo n nase.

Danɛl 7:15

Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 8:15

N daa wora ania nna nɛ m pin bɔrɛdare na be kifito, nɛ esa ko ba yili ma anishito epul to.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Danɛl 9:2

Mbe kuwura be kafɛ juŋkparso to nɛ n daa koya nwɔl cheembi na nsaa fɛ kananɛ Enyɛnpetale Ebɔrɛ na kaŋɛ anebi Jɛremaya fanɛ Jerusalɛm beeŋ mur nɛ esa kikɛ maa naa wɔ kumo to n ya fo nfɛ adushunu na be asheŋ.