Danɛl 7:7 - EBƆRƐ BE KAWƆL

⁷ Kusɔbɔya nasopo na daa kɔ eleŋ ga a chɔ bumo nɛ b ka na nɛ kumo be asheŋ kɔ kufu ga. K daa kɔ abɛlso be anyii bɛaŋbilaŋ bɛaŋbilaŋ nna a kpɛa kusɔ kama nɛ k tu to nsaa chichi amo nɛ a ka malɛ so a bɛa to. Kumo alɛ daa kɔr asɔbɔya nɛ a ka na kikɛ to nna nsaa kɔ alambɛ kudu ashi kumo be kumu so.

Danɛl 7:7 ပူးပေါင်းရင်းမြစ်များ

2 Samuɛl 22:43

N nɔkɔr ma doŋana nɛ b ki fanɛ kasawule so be shishɛr, nseŋ chichi bumo so nɛ b ki fanɛ ekpa to be depɔ.

Job be kawɔl 41:14

Esa kikɛ maŋ shuli m bugi kumo be kɔnɔ, ŋkpal manɛ so, kumo be kɔnɔ to be anyi bee keta kufu nna.

Ezikɛl 40:2

Ndoŋ nna nɛ ŋ ku bɔrɛdare n wu fanɛ Ebɔrɛ ka keta ma n yɔ Israɛl be kasawule so n ya yili kebee jeŋgreŋ ko so nɛ ŋ keni kelargato be kaseto be kaba so n wu nwu damta ko nɛ a duli fanɛ kadegboŋ na.

Danɛl 2:19

Kumo be kanyɛso gbagba nɛ Ebɔrɛ bugi alemaŋkarsheŋ na be kifito n sa Danɛl ashi bɔrɛdare to, nɛ e di Ebɔrɛ nɛ e wɔ ebɔrɛso na epaŋ ga ŋ kaŋɛ le:

Danɛl 7:13

Bɔrɛdare na to nɛ n wu kusɔ ko fanɛ Nyigbasa pibinyɛn na. Awɔlpa daŋ kulti mo nna nɛ e gbelge m ba maŋ ma so n yɔ esa nɛ e maŋ kɔ sososo nɛ lalaloge na kutɔ.

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Danɛl 8:10

Kumo be eleŋ daŋ wora keshi nna ga hale nɛ k tu esoso be achɛkpabi, nɛ e yili n sa ebɔrɛso be benapo na, ŋ kɔ kena nseŋ ta amo be ako n lɛ to kasawule n chichi amo so.

Danɛl 8:22

Alambɛ ana nɛ a ba tal kumo nɛ k bu na to na malɛ yili nna a sa fanɛ efuli na so be kuwurji beeŋ ba barga to ana, ama amo alɛ be kekama be eleŋ maaŋ fo sososo peya na so.

Zakareya 2:1

Ndoŋ nna nɛ n naŋ ku bɔrɛdare n wu kanyɛn ko nɛ e kɔ efɔl karga asɔ to.

Kelaraŋŋini 12:3

Ndoŋ nna nɛ tɔɔnɛ be kusɔ ko malɛ naŋ lar ebɔrɛso. Kusɔ gbeyeso peper gboŋgboŋi ko nna nɛ k daa du fanɛ laŋchaŋ n daa kɔ amu ashunu nɛ alambɛ kudu nɛ nwurwuro ashunu malɛ wɔ mbe amu so.

Kelaraŋŋini 13:1

Ndoŋ nna nɛ n naŋ wu kusɔbɔya gboŋgboŋi ko ka shi teku to a lar a kɔ alambɛ kudu nɛ amu ashunu nɛ nwurwuro kudu wɔ mbe alambɛana na so. Amu na malɛ be kekama so b daŋ sibɛ ketre mo nɛ k bee ji Ebɔrɛ emɔrɔ nna n deŋi kumo so.

Kelaraŋŋini 17:12

Alambɛ kudu mo nɛ fo wu na la bewurgboŋ kudu ko nna nɛ b maŋ naŋ fara a ji kuwura, ama baaŋ nya ekpa n tu kusɔbɔya na n ji kuwura awa koŋwule.

Kelaraŋŋini 17:7

Ndoŋ nna nɛ malaika na kaŋɛ ma: “Manɛ e ba nɛ kesheŋ ere wora fo kanaŋ ko loŋ? Meeŋ bugi kache na nɛ kusɔbɔya nɛ e bee dii nɛ e kɔ amu ashunu nɛ alambɛ kudu na be wulo be kesheŋ na to ŋ ŋini fo.

Kelaraŋŋini 17:8

Kusɔbɔya mo nɛ fo wu na daa wɔ ŋkpa to nna, ama naniere e maŋ naa wɔ ŋkpa to. A ka gbrɛbi nɛ e shi kemaŋ nɛ baa tre Abis na to n lar nɛ b mur mo. Basa nɛ b wɔ durnya ere to nɛ b maŋ sibɛ bumo be atre n wɔtɔ ŋkpa be kawɔl na to saŋɛ nɛ durnya ere fara kikɛ na kaŋ wu kusɔbɔya na, bumo be nnɔ beeŋ mɔ bumo, ŋkpal manɛ so, e daa wɔ ŋkpa to nna, ama naniere e maŋ naa wɔtɔ, ama mo alɛ kraa beeŋ naŋ ba.