Danɛl 7:6 - EBƆRƐ BE KAWƆL

⁶ Kusɔbɔya sasopo na malɛ daa du fanɛ karmɛ nna nsaa kɔ atɛ ana kumo be kaman fanɛ kabuibi na nɛ amu ana. B daŋ shin nna nɛ k ji kuwura.

Danɛl 7:6 ပူးပေါင်းရင်းမြစ်များ

Ezikɛl 17:3

n shin nɛ b pin fanɛ kusɔ nɛ ma, Enyɛnpetale Ebɔrɛ, bee kaŋɛ bumo e la fanɛ kajɔnɔkoso gboŋ ko nɛ e daa kɔ aba lempo nɛ atɛ lela ga e daŋ firgi n yɔ Lebanɔn be abee so n ya bu kedibi nɛ baa tre sida na be awɔlto be keyabi.

Danɛl 10:20

Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.

Danɛl 2:39

Fo kuwura ere be kaman kuwurgboŋ ko nɛ k maŋ fo feya ere so beeŋ ba, kumo alɛ be kaman nɛ danyaŋ be kuwurgboŋ e bɛ so n ji durnya kikɛ so kuwura.

Danɛl 7:4

Kumo nɛ k daŋ juŋkpar n lar na daa du fanɛ buluŋ nna nsaa kɔ atɛ fanɛ kajɔnɔkoso. Ŋ ka bee keni kumo na, nɛ n wu kumo be atɛ ka tia. Nɛ b maŋ kumo so n yili kumo be aya so fanɛ dimɛdi nseŋ ta dimɛdi be nfɛra n wɔtɔ kumo to.

Danɛl 7:5

Kusɔbɔya nyɔsopo na malɛ daa du nna fanɛ shishiri nsaa yil kumo be mmantoya so. Akentibi asa daa fɛa kumo be kɔnɔ to nna, nɛ ebɔl ko kaŋɛ kumo le: “We eblaŋ na kanaŋkamaso nɛ fee sha!”

Hoziya 13:7

Amoso meeŋ kɔ menyi fanɛ kananɛ buluŋ bee kɔ esa na. Meeŋ ŋana ekpa to kupuŋ to a jo menyi fanɛ karmɛ na.

Kelaraŋŋini 13:2

Kusɔbɔya mo nɛ n daŋ wu na daa du fanɛ karmɛ nna nɛ mbe aya malɛ daa du fanɛ shishiri be aya nɛ mbe kɔnɔ malɛ daa du fanɛ buluŋ be kɔnɔ. Kusɔ gbeyeso na daŋ sa kusɔbɔya na mo gbagba be eleŋ nɛ mbe kuwurputi nɛ eleŋ damta nna.