Danɛl 7:28 - EBƆRƐ BE KAWƆL

²⁸ Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 7:28 ပူးပေါင်းရင်းမြစ်များ

Jɛnesis 37:10

E ka kaŋɛ mo tuto edare na nɛ mo tuto ponte mo so ŋ kaŋɛ: “Nuso be edare nɛ fo ku loŋ? Fee fɛ fanɛ ma nɛ fo nio nɛ fo daana beeŋ ba kaa jɔŋɛ fo ase kashenteŋto nna a?”

Jɛnesis 37:11

Ndoŋ nna nɛ mo daana na fara a kɔ mo kukɔrkɔ ŋko a besa mo eyur ashi bumo be ŋgbene to, ama mo tuto bre daa maŋ teŋ kesheŋ na so.

Danɛl 10:16

Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so.

Danɛl 10:8

N nawule e daa wɔ ndoŋ a keni le be mamachi be kusɔ ere ashi bɔrɛdare na to. N daa maŋ naa kɔ eleŋ kikɛ; ma anishiakpa malɛ daŋ foleeto nna, hale basa bee pin ma a gben.

Danɛl 11:27

Bewura anyɔ na beeŋ baa bɔɔ enɔ a wɔtɔ kawie koŋwule to a ji, ama baaŋ baa kre abar nia lubi nna a fule abar. Bumo alɛ maaŋ nya kusɔ nɛ baa fin na, ŋkpal saŋɛ nɛ Ebɔrɛ yili kumo na ka maŋ naŋ fo so.

Danɛl 12:13

Amoso Danɛl, ji kashenteŋ n ya fo lalaloge be jemanɛ na. Fo wu gba, feeŋ tiŋi luwu to n sɔ fo kakɔka.”

Danɛl 12:9

Nɛ e kaŋɛ ma le: “Danɛl baa yɔ, ŋkpal manɛ so, a daga mmalga ere ka la wulo be mmalga nna n ya fo durnya be lalaloge.

Danɛl 4:16

Shin nɛ e sa maa kɔ dimɛdi be nfɛra nfɛ lela ashunu, ama mbe nfɛra e baa du fanɛ kusɔbɔya peya.

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Danɛl 7:15

Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 8:1

Bɛlshaaza ka ki ewura be kafɛ sasopo to nɛ n naŋ ku bɔrɛdare ere malɛ.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Maak 9:15

Basa na ka baŋ wu Yesu nɛ k chinchiŋ bumo ga nɛ b shile n yɔ mo kutɔ n ya chɔrɔ mo.

Luuk 2:19

Mɛɛri malɛ daŋ ta asheŋ ere kikɛ nna n wɔtɔ mbe kagbene to a fɛ amo be nfɛra.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Luuk 9:44

Asheŋ nɛ Yesu daŋ wora na kikɛ daŋ kraa chinchiŋ basa na nna nɛ Yesu kaŋɛ mbe bebɛsopo: “Men sa maŋ kaŋ teŋ kusɔ nɛ mee shin nɛ ŋ kaŋɛ menyi ere so. Baaŋ ta ma, Nyiŋgbasa Pibinyɛn m bɔɔ basa enɔ.”