Danɛl 7:25 - EBƆRƐ BE KAWƆL

²⁵ E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Danɛl 7:25 ပူးပေါင်းရင်းမြစ်များ

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Danɛl 11:28

Siriya be efuli so be ewura na beeŋ ta asɔ nɛ e muu kena to na kikɛ n yɔ epe. Mo alɛ beeŋ wora ania fanɛ e beeŋ mur Ebɔrɛ b basa be kabɔrɛshuŋ nseŋ wora kusɔ kama nɛ k par mo pɔɛŋ nseŋ bɛta n yɔ mbe kade to.

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 3:26

Ndoŋ nna nɛ ewura Nebukadneeza firgi n taga edɛ wuloŋ wuloŋ na to m boŋ to n tre: “Shaadrak! Mɛshaak! Abedneego! Enyɛnpetale be nyɛrbi, men lar m ba!” Epul to nɛ b dii n lar edɛ be kemaŋ chiŋgeliŋ na to.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:2

K wora ma ebel ga ŋ ka bee shin nɛ ŋ kaŋɛ menyi asheŋ tumase nɛ emamachisheŋ nɛ Enyɛnpetale wora n sa ma.

Danɛl 4:25

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to. Nfɛ shunu nɛ fo wɔtɔ e ji afitiri fanɛ kena nseŋ naa dese kowu nɛ bunyaŋ e baa tɔr fo so. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Danɛl 7:18

Ama Enyɛnpetale Ebɔrɛ na e ta kuwurji na n sa mbe basa laraso nɛ k baa la bumo peya hale mbaanaayɔ.”

Danɛl 7:20

Ma alɛ daŋ naa sha kepin alambɛ kudu nɛ a wɔ kumo be kumu so na nɛ kelambɛ nɛ k lar kaman to n shin nɛ alambɛ na be asa tia n tɔr na be asheŋ nna. Loŋ be kelambɛ na e daa kɔ anishi nɛ kɔnɔ nsaa puchi ga nɛ kumo be asheŋ daa kɔ kufu a chɔ amo nɛ a ka na.

Danɛl 7:8

Ŋ ka bee keni kumo be alambɛ na, nɛ n wu kelambɛ fimbi ko ka lar amo to m ba tia alambɛ na be asa ashi amo be kakpa. Le be kelambɛbi ere daa kɔ dimɛdi be anishi nɛ kɔnɔ nna nsaa puchi.

Danɛl 8:11

E daŋ kini kenu n sa ebɔrɛso be benapo be enimu na nna hale n shin nɛ e maŋ naa tiŋ a lara karechɛ kama be sarga na, nɛ kumo be loŋ shin nɛ bɔrɛlambu na maŋ naa du cheembi.

Danɛl 8:14

Nɛ n nu malaika nyɔsopo na malɛ ka kaŋɛ le: “K beeŋ wora loŋ kapa nɛ kanyɛ be nchɛ ŋgboŋ anyɔ nɛ alfa asa pɔɛŋ nɛ bɔrɛlambu na e fɔr so ŋ ki cheembi nɛ b naŋ fara a shuŋ Ebɔrɛ kumo to.”

Danɛl 8:9

Nɛ kelambɛ fimbi ko malɛ naŋ kɔr alambɛ ana na be kuko to nseŋ ji eleŋ n ya lar kelargato be kaseto be kaba so nɛ epeŋilarkpa be kaba so hale n yɔ kasawule nɛ Ebɔrɛ nase kɔnɔ fanɛ e beeŋ ta n sa mbe basa Israɛlebi na so.

Danɛl 9:27

Loŋ be ejuŋkparpo na nɛ basa damta beeŋ wora kɔnɔkoŋwule kpakpaso nfɛnshunu. Nfɛnshunu na be bargato baŋ ji n choŋ, e beeŋ shin nɛ b yige esarga nɛ etoto be kebaa lara. Baaŋ ta Edɔsopogboŋ na be kapɔrduli n yili bɔrɛlambu na be esoso nɛ k ba wɔ ndoŋ n ya fo saŋɛ nɛ emo nɛ e ta kumo n yili ndoŋ na be jemanɛ nɛ Ebɔrɛ yili n sa mo na beeŋ fo ekar.”

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

2 Tɛsalɔnikaebi 2:3

Men sa maŋ kaŋ shin nɛ esa kama e bɔla ekpa kikɛ so n fule menyi, ŋkpal manɛ so, Enyɛnpe be kachɛ na maaŋ ba ama kenyaŋɛto m buu Ebɔrɛ na ba na nɛ alubipo nɛ mbe kelamba la edɛ to be keluri na lar na pɔɛŋ.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

Kelaraŋŋini 12:14

Ama b daŋ sa kache na kusoregboŋ be atɛ anyɔ nna fanɛ e ta n firgi n shile kusɔkpaŋ na n yɔ kiyi to, mbe kakpa, fanɛ b ya kaa keni mo so nfɛ asa nɛ bargato.

Kelaraŋŋini 12:6

Nɛ kache na malɛ shile n luri kiyi to be kakpa nɛ Ebɔrɛ lɔŋɛ n yili mo fanɛ e baa wɔ ndoŋ a nya kekeniso nchɛ kagboŋ nɛ alfa anyɔ nɛ adeshe na.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.

Kelaraŋŋini 16:6

Ŋkpal b ka mɔ fo basa laraso nɛ anebiana n lara bumo be ŋklaŋ so, fo alɛ gba ta ŋklaŋ n sa bumo nɛ b nuu. Kusɔ nɛ k baŋ daga bumo nna na.”

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

Kelaraŋŋini 18:24

Mo, Babilɔn na to nɛ b daŋ wu anebiana nɛ Ebɔrɛ be basa laraso nɛ bekama nyam nɛ b daŋ mɔ kasawule ere so na be ŋklaŋ.