Danɛl 7:24 - EBƆRƐ BE KAWƆL

²⁴ Alambɛ kudu na yili nna a sa bewura kudu nɛ baaŋ baa ji kuwurgboŋ. Bumo be kaman nɛ ewura ko malɛ e naŋ ba. Mo ere beeŋ ba kɔr bumo nɛ b juŋkpar na to, nseŋ ba ju bewura asa kuwura to.

Danɛl 7:24 ပူးပေါင်းရင်းမြစ်များ

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 2:41

Kuwurgboŋ nasopo na beeŋ barga to nna nɛ kumo be kaba e baa kɔ eleŋ nɛ kaba malɛ e pɔshi fanɛ kananɛ fo wu kapɔrduli na be ayadra nɛ anashibi ka la ebɔ nɛ kebɛlso be weato na.

Danɛl 7:20

Ma alɛ daŋ naa sha kepin alambɛ kudu nɛ a wɔ kumo be kumu so na nɛ kelambɛ nɛ k lar kaman to n shin nɛ alambɛ na be asa tia n tɔr na be asheŋ nna. Loŋ be kelambɛ na e daa kɔ anishi nɛ kɔnɔ nsaa puchi ga nɛ kumo be asheŋ daa kɔ kufu a chɔ amo nɛ a ka na.

Danɛl 7:23

Kananɛ e daŋ bugi kumo to ŋ kaŋɛ ma nde: “Kusɔbɔya nasopo na yili nna a sa kuwurjigboŋ nasopo nɛ k beeŋ ba durnya ere to m ba kaa kɔr kuwurji kikɛ to. K beeŋ chichi durnya ere kikɛ so m buri kumo to cheche.

Kelaraŋŋini 12:3

Ndoŋ nna nɛ tɔɔnɛ be kusɔ ko malɛ naŋ lar ebɔrɛso. Kusɔ gbeyeso peper gboŋgboŋi ko nna nɛ k daa du fanɛ laŋchaŋ n daa kɔ amu ashunu nɛ alambɛ kudu nɛ nwurwuro ashunu malɛ wɔ mbe amu so.

Kelaraŋŋini 13:1

Ndoŋ nna nɛ n naŋ wu kusɔbɔya gboŋgboŋi ko ka shi teku to a lar a kɔ alambɛ kudu nɛ amu ashunu nɛ nwurwuro kudu wɔ mbe alambɛana na so. Amu na malɛ be kekama so b daŋ sibɛ ketre mo nɛ k bee ji Ebɔrɛ emɔrɔ nna n deŋi kumo so.

Kelaraŋŋini 17:3

Kede be kaman nɛ malaika na keta ma kiyoyu to n yɔ kiyi to, ndoŋ nɛ n ya wu kache ko nɛ e tase kusɔbɔya peper ko so nɛ b sibɛ kabɔrɛtegeso be atre n deŋi kusɔbɔya na kikɛ so. Kusɔbɔya na daa kɔ amu ashunu nɛ alambɛ kudu nna.