Danɛl 7:2 - EBƆRƐ BE KAWƆL

² Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Danɛl 7:2 ပူးပေါင်းရင်းမြစ်များ

Aizaaya 17:12

Efuliana nɛ a kɔ eleŋ ga na du fanɛ atiligboŋ nɛ a bee koso teku so a wora awɔrgboŋ na nna.

Jɛremaya 49:36

Bedoŋ beeŋ shi kaba kama so m ba kɔ Elam be basa nseŋ pɛ bumo tintiŋso n yɔ durnya to be efuli kama so.

Jɛremaya 51:42

Babilɔn mo doŋana beeŋ koso fanɛ ketili ka koso teku so na, m ba buu kadegboŋ na so.

Danɛl 11:4

Ama k maaŋ chɛr nɛ mbe efuli na e bure m barga to n yɔ durnya ere be abonfu ana ere kikɛ to. Nɛ efuli popɔrana nɛ amo be bewura maŋ shi ewura lempo na be kanaŋ to e bɔla amo to n lar. Bewuraana na malɛ maaŋ baa kɔ eleŋ fanɛ mo.

Danɛl 2:19

Kumo be kanyɛso gbagba nɛ Ebɔrɛ bugi alemaŋkarsheŋ na be kifito n sa Danɛl ashi bɔrɛdare to, nɛ e di Ebɔrɛ nɛ e wɔ ebɔrɛso na epaŋ ga ŋ kaŋɛ le:

Danɛl 7:13

Bɔrɛdare na to nɛ n wu kusɔ ko fanɛ Nyigbasa pibinyɛn na. Awɔlpa daŋ kulti mo nna nɛ e gbelge m ba maŋ ma so n yɔ esa nɛ e maŋ kɔ sososo nɛ lalaloge na kutɔ.

Danɛl 7:7

Kusɔbɔya nasopo na daa kɔ eleŋ ga a chɔ bumo nɛ b ka na nɛ kumo be asheŋ kɔ kufu ga. K daa kɔ abɛlso be anyii bɛaŋbilaŋ bɛaŋbilaŋ nna a kpɛa kusɔ kama nɛ k tu to nsaa chichi amo nɛ a ka malɛ so a bɛa to. Kumo alɛ daa kɔr asɔbɔya nɛ a ka na kikɛ to nna nsaa kɔ alambɛ kudu ashi kumo be kumu so.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Danɛl 8:8

Kaboe na daa nya eleŋ nna ga a ti so. Ama kumo be eleŋ na ka fo ekar, nɛ kumo be kelambɛ na bu n tɔr. K ka bu na nɛ alambɛ tenteŋ ana ba tal kumo to. Amo be kuko daŋ kilgi nna n shoŋi kelargato be esoso be kaba so, nɛ kuko kilgi n shoŋi epeŋilarkpa be kaba so, nɛ kuko gba kilgi n shoŋi kelargato be kaseto be kaba so, nɛ kumo nɛ k ka malɛ kilgi n shoŋi epeŋitɔrkpa be kaba so.

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.