Danɛl 7:15 - EBƆRƐ BE KAWƆL

¹⁵ Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 7:15 ပူးပေါင်းရင်းမြစ်များ

Jɛnesis 41:8

Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Danɛl 10:16

Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so.

Danɛl 2:1

Ewura Nebukadneeza ka ji kuwura be kafɛ nyɔsopo to nɛ e ku edare. Edare na daŋ tɔrɔ mo ga hale nɛ e maŋ tiŋ nɛ e di.

Danɛl 2:3

nɛ e kaŋɛ bumo le: “Ŋ ku edare ko nna nɛ k sa ma kagbenejija nɛ mee sha fanɛ men kaŋɛ ma kumo be kifito.”

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Danɛl 7:1

Bɛlshaaza ka ji Babilɔn be kuwura be kafɛ sososo to nɛ ma Danɛl dese kanyɛso ŋ ku bɔrɛdare nseŋ sibɛ kumo n nase.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

2 Pita 1:14

N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.