Danɛl 6:5 - EBƆRƐ BE KAWƆL

⁵ Ndoŋ nna nɛ b kaŋɛ abar le: “Anyi maaŋ tiŋ n nya shɛŋ n yili so ŋ ku asheŋ n deŋi Danɛl, ama an bɔla mbe kabɔrɛshuŋ so nna.”

Danɛl 6:5 ပူးပေါင်းရင်းမြစ်များ

Ɛsta 3:8

Ndoŋ nna nɛ Heman kaŋɛ ewura Sɛgsis le: “Yiri ko ebi salga to m bɔlɔ fo efuli ere kikɛ so. Bumo alɛ be daŋkare kɔr basa kama peya to. B maa bɛ efuli ere be mbra gba so, amoso m baa nyi geeŋ fanɛ nɛ fo yige bumo, k maaŋ chɛ fo to.

Nshɛ 37:32

Belubiworapo bre bee ŋana nna a fin basa lela nɛ b mɔ.

Jɛremaya 29:7

Men baa kule Ebɔrɛ a fin kayurwushi a sa Babilɔn be efuli na nsaa shuŋ ga ashi ndeana na to nɛ asheŋ e baa nite nɛnɛ amo to. Nɛ asheŋ bee nite nɛnɛ ndeana na to, asheŋ beeŋ nyalɛ n sa menyi alɛ gba.

1 Samuɛl 24:17

nseŋ kaŋɛ Deevid le: “Fo kɔ kashenteŋ a chɔ ma. Fo wora ma kelela ga, ama kulubi nɛ ma ere ta a ka fo kukɔ!

1 Samuɛl 29:3

Filisti be benapo be benimu na ka wu bumo, nɛ b bishi le: “Manɛ nɛ Israɛlebi ere bee wora nfe?” Nɛ Akish kaŋɛ le: “Deevid nɛ e daa la Sɔɔl nɛ e la Israɛl be ewura be kayɛrbi na nna? E wɔ ŋ kutɔ nfe n chɛr ga. Yili jemanɛ nɛ e ba ŋ kutɔ na malɛ m ba fo mbre m maŋ wu kulubi ko ashi mo so.”