Danɛl 6:26 - EBƆRƐ BE KAWƆL

²⁶ N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Danɛl 6:26 ပူးပေါင်းရင်းမြစ်များ

Ɛzra 1:3

Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Ɛzra 7:21

Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 146:10

Enyɛnpe Ebɔrɛ, nɛ e la Jerusalɛm be Ebɔrɛ na, bee ji kuwura nna mbaanaayɔ! Men baa kpaŋ Enyɛnpe Ebɔrɛ na!

Nshɛ 2:11

Men ta kufu nɛ kechicha chicha a shuŋ Ebɔrɛ, nseŋ shin nɛ men be ŋgbene e fuli.

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Danɛl 4:3

Ebɔrɛ be etumasesheŋ shibi ga nɛ mbe emamachisheŋ bee mɔ kɔnɔ. Mbe kuwurji wɔtɔ nna hale mbaanaayɔ.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Malakai 3:6

Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 1:33

E beeŋ ba ki Jeekɔb be kanaŋ to be Ewura mbaanaayɔ. Mbe kuwura maaŋ loge kikɛ.”

Luuk 12:5

Meeŋ ŋini menyi esa nɛ e daga kaŋana: Men baa ŋana emo nɛ e beeŋ tiŋ m mɔ nseŋ naa kɔ eleŋ nɛ e tiŋ n ta amodoŋwura n wɔtɔ edɛ to. Kashenteŋto mee kaŋɛ menyi nna, men baa ŋana mo.

Ashuŋ Shunso 17:25

Mo alɛ maŋ naa sha kusɔ kama nɛ nyiŋgbasa ta enɔ a shuŋ a sa mo, ŋkpal manɛ so, mo e naa sa nyiŋgbasa ŋkpa nɛ efute nɛ kusɔ kama nyam.

Romebi 9:26

“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

1 Tɛsalɔnikaebi 1:9

Le be basa ere malɛ kikɛ bee kaa malga kananɛ men daŋ sɔ anyi saŋɛ nɛ an daŋ bɔɔ menyi so na be asheŋ nɛ kananɛ men yige agbir nsaa bɛ kashenteŋ nɛ ŋkpa be Ebɔrɛ na so a wɔtɔ a jo mo Pibi Yesu

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 5:14

Ndoŋ nna nɛ asɔbɔya keniso ana na kikɛ shuli ŋ kaŋɛ: “Amɛn.” Nɛ bejuŋkparpoana na gbir n dese kasawule m maŋ mo so.

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.