Danɛl 6:24 - EBƆRƐ BE KAWƆL

²⁴ Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.

Danɛl 6:24 ပူးပေါင်းရင်းမြစ်များ

2 Bewura 14:6

E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ mbia bumo kurgepoana ŋkpal kulubi nɛ bumo be mbia wora so, loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Ɛsta 9:25

Nɛ Ɛsta yɔ ewura kutɔ nɛ ewura na shin nɛ b sibɛ mbra nɛ k shin nɛ kusɔ nɛ Heman kre fanɛ e beeŋ wora Juwebi na laŋɛ n ji mo. Nɛ b chɛ mo nɛ mbe mbinyɛnsobi kikɛ efɔl n shiga ndibi nɛ b yuu na so.

Nshɛ 54:5

Feeŋ gberge ma doŋana kusoe, ŋkpal bumo be alubi nɛ b wora so. Feeŋ mur bumo ŋkpal fo kashenteŋji so.

Aŋasa 11:8

Basa cheembi bee nya kekuŋ ashi tɔrɔ nɛ k bee ba belubiworapo so na to nna.

Aŋasa 19:9

Efɛ be shɛdajipo ashi demujikpa maaŋ paŋ mbe kasogberge kikɛ. Efɛpo malɛ kikɛ beeŋ mur.

Aizaaya 38:13

Amoso n daa shu nna a klade ŋkpal ebesa so! K daa du fanɛ buluŋ ka bee buri ma awibi to nna. N daa fɛ fanɛ Ebɔrɛ shin nɛ ma ŋkpa loge nna.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Danɛl 3:22

Ŋkpal ewura na ka kaŋɛ kenishipereso fanɛ b lɔŋɛ n foŋ edɛ na to nɛ a baa tushi alegaiso na so, edɛ na be kuwuloŋ daŋ beeŋ benapo nɛ b ta mbrantiɛbia na n ya lɛ amo to na nna m mɔ.

Ditɛronɔmi 24:16

A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.