Danɛl 6:23 - EBƆRƐ BE KAWƆL

²³ Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so.

Danɛl 6:23 ပူးပေါင်းရင်းမြစ်များ

1 Bewura 5:7

Ewura Sɔlɔmɔn be kubɔya ere ka tu ewura Hiram, nɛ mbe kagbene fuli mo ga m baŋ so. Nɛ e kaŋɛ le: “Kemaŋkura e baa la Eyɛnpe Ebɔrɛ na peya ŋkpal e ka sa ewura Deevid kebianyiashempo nɛ e sɔ mo so n ji efuli lempo ere be kuwura so.”

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

2 Kronikɛls 20:20

Ŋklade kachipurdidi saŋɛ so nɛ ekama lar a yɔ keshishɛrsawule nɛ k mata Tekua na, nɛ ewura Jehoshafat niŋi to ŋ kaŋɛ jimaŋ na le: “Menyi Juda nɛ Jerusalɛm ebi! Men ta men be yirda n deŋi Enyɛnpe nɛ e la menyi be Ebɔrɛ na so nsaa yili to kpakpa. Men yirda kusɔ nɛ mbe anebiana na kaŋɛ menyi na saŋɛ na so asheŋ beeŋ nyalɛ n sa menyi.”

Nshɛ 18:21

Ŋkpal manɛ so, Enyɛnpe Ebɔrɛ na be ekpa so nɛ m bɛ. Ma alɛ maŋ naŋ wora kulubi nseŋ pal kaman n sa mo.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Ɛksodɔs 18:9

Jetro ka nu asɔ lela damta nɛ Enyɛnpe Ebɔrɛ wora n sa Israɛlebi saŋɛ nɛ e daŋ sɔ bumo ashi Ijiptebi na be enɔ to na be asheŋ ere nɛ mbe kagbene fuli mo ga.

Aŋasa 18:10

Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:25

Nɛ ewura naŋ kaŋɛ le: “Nɛ manɛ nna nɛ mee wu benyɛn ana ka na edɛ na to nɛ shɛŋ shɛŋ maŋ naŋ kre bumo be eyur, nɛ bumo be eyur malɛ maŋ chɔɔ, nɛ esa nasopo na du fanɛ Ebɔrɛ be malaika?”

Danɛl 6:14

Ewura na ka nu kumo be loŋ na nɛ mbe kagbene jija mo ga nɛ e wɔtɔ a fin kananɛ e beeŋ wora m mɔlga Danɛl. E daa fɛ kumo be nfɛra nna hale nɛ epeŋi ya tɔr.

Danɛl 6:18

Kumo be kaman nɛ ewura na bɛta n yɔ ewurkpa n ya chena ŋklade. E daa maŋ ji shɛŋ ŋko n shin nɛ b wora epel ko n deŋi mo anishito.

Maak 9:23

Nɛ Yesu kaŋɛ mo: “Fo yɛ meeŋ tiŋ? Shɛŋ shɛŋ maaŋ baa du kpakpa n sa esa nɛ e kɔ yirda!”

Hibruwebi 11:33

Ŋkpal yirda so b daŋ kɔ efuliana ko ebi nna kena m pɔɔ bumo so n wora asheŋ nɛ a daga nseŋ nya kusɔ nɛ Ebɔrɛ daŋ nase kɔnɔ fanɛ e beeŋ sa na. B daŋ tiŋ n ti ebuluŋana be nnɔ nseŋ daŋ tiŋ n duŋ edɛgboŋana nseŋ daŋ tiŋ ŋ gelge etokobi be keta m mɔ bumo.