Danɛl 6:16 - EBƆRƐ BE KAWƆL

¹⁶ Amoso ewura na daŋ ponte ŋ kaŋɛ fanɛ b ya pɛ Danɛl nna n ya lɛ ebuluŋ be kemaŋ to, nɛ b wora loŋ. Ama le nɛ ewura na daŋ kaŋɛ Danɛl: “Fo Ebɔrɛ nɛ fee shuŋ kashenteŋto na beeŋ mɔlga fo.”

Danɛl 6:16 ပူးပေါင်းရင်းမြစ်များ

2 Samuɛl 3:39

Kashenteŋto nna fanɛ ma e la Ebɔrɛ be ewura laraso, ama kabre ma alɛ maŋ naa kɔ eleŋ. Zeruwa be mbinyɛnbi Jɔab nɛ Abishai bre bee ŋini ma nna fanɛ b kɔ eleŋ ga a chɔ ma. Enyɛnpe Ebɔrɛ e ta kasogberge nɛ k daga n sa le be basa lubi ere!”

Job be kawɔl 5:19

Saŋɛ kikɛ Ebɔrɛ beeŋ baa lara fo ashi etɔrɔ damta nɛ a bee bar fo kagbenejija ga ere kikɛ to.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Jɛremaya 26:14

Ma ere wɔ menyi be enɔ to nna! Menyeeŋ tiŋ n wora ma kusɔ kama nɛ menyee fɛ fanɛ kumo e daga.

Jɛremaya 38:5

Nɛ ewura Zɛdikaya kaŋɛ: “To, kumo ere men wora mo kusɔ kama nɛ menyee sha. M maaŋ tiŋ ŋ kuŋ menyi ekpa.”

Jɛremaya 38:6

Ndoŋ nna nɛ b chɛ ma efɔl nseŋ pɛ kumo to n ta ma n wɔtɔ ewura pibinyɛn nɛ baa tre Malkiya na be ketirbu nɛ k daa wɔ ewurkpa be kelɔnɛ so na to. Nchu daa maŋ wɔ ketirbu na to ama edepɔ nawule e daa wɔtɔ nɛ n nia amo to.

Jɛremaya 39:17

Ama ma, Enyɛnpe Ebɔrɛ na beeŋ kuŋ fo loŋ be kachɛ na nɛ b sa maŋ ta fo n sa Juda be benimuana nɛ fee ŋana na.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Danɛl 6:7

Anyi nɛ an la egomena nɛ besoetojipoana nɛ benimu nɛ b ka na kikɛ shuli so n wora kɔnɔkoŋwule nna fanɛ, Yiramu, fo wora mbra kpakpaso fanɛ nchɛ adesa, esa kikɛ e sa maŋ kule shɛŋ ashi kegbir kikɛ, ŋko dimɛdi kikɛ kutɔ, ama fo nawule. Kumo be kaman nɛ fo shin nɛ loŋ be mbra na a shuŋ kenishipereso. Esa kama nɛ e beeŋ kini kebɛ le be mbra ere so daga fanɛ b ta mo n lɛ ebuluŋ be kemaŋ to.

Ashuŋ Shunso 24:27

B wɔtɔ loŋ nɛ nfɛ anyɔ ba choŋ nɛ Pɔkias Fɛstes ba sɔ mo so a la gomena. Ŋkpal kenya ketre Juwebi na kutɔ so, Filiks daŋ yige Pɔɔl kabuti na to nna nseŋ yɔ.

Ashuŋ Shunso 25:11

Nɛ n daŋ wora kusɔ ko nna n da mbra na so nɛ k daga ma luwu, n daa maaŋ gelge kumo be loŋ. Ama nɛ kashenteŋ maŋ wɔ asheŋ nɛ baa kaŋɛ fanɛ n wora ere to, esa kikɛ maaŋ tiŋ n ta ma m bɔɔ bumo enɔ. Romebi be ewurgboŋ na nɛ mee kule fanɛ e keni ma demu na to.”

Ashuŋ Shunso 25:9

Ŋkpal kenya ketre Juwebi na kutɔ so, Fɛstes daŋ bishi Pɔɔl nna: “Fee sha keyɔ Jerusalɛm nɛ n ya ji fo asheŋ nɛ b yɛ fo wora ere be demu ndoŋ a?”

Romebi 13:3

Ŋkpal manɛ so, basa nɛ baa wora kelela maa ŋana abane be bejuŋkparpo. Bumo nɛ baa wora alubi e naa ŋana bumo. Men maa sha fanɛ men baa ŋana abane be ejuŋkparpo kama ŋko? To, kumo ere, men baa wora asɔ nɛ a daga nɛ enimu na e baa sa menyi mbo.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi