Danɛl 6:12 - EBƆRƐ BE KAWƆL

¹² nɛ bumo kikɛ yɔ ewura na kutɔ n ya debɔr Danɛl ŋ kaŋɛ le: “Yiramu, fo nyisi enɔ n wora mbra fanɛ nchɛ adesa, esa kama e sa maŋ kule shɛŋ ashi kegbir ŋko dimɛdi kikɛ kutɔ nɛ mannɛ fo ewura nawule kutɔ. Fo yɛ, ekama nɛ e kaŋ wora loŋ, b ta mo n lɛ ebuluŋ be kemaŋ to.” Nɛ ewura na malɛ kaŋɛ le: “Kashenteŋ nna, k la mbra kpakpaso nna n sa Mɛdiebi nɛ Pɛshiyaebi. Kumo alɛ maaŋ naŋ chɛrga kikɛ.”

Danɛl 6:12 ပူးပေါင်းရင်းမြစ်များ

Ɛsta 1:19

Yiramu, nɛ k par fo bre, fo nase mbra nɛ baaŋ sibɛ n wɔtɔ Pɛshiya nɛ Midia be efuli so be mbra be nwɔl to nɛ esa kikɛ maaŋ tiŋ n chɛrga kumo, fanɛ Vashti e sa maŋ naŋ ta keya n cha ewura pe kikɛ. Kumo be kaman nɛ fo ta mbe kuwurche na n sa eche nɛ e bɔ mo.

Danɛl 6:15

Ndoŋ nna nɛ Danɛl mo doŋana naŋ bɛta m ba kaŋɛ ewura na le: “Yiramu, fo gbagba baa nyi fanɛ esa kama maaŋ tiŋ n chɛrga Mɛdiebi nɛ Pɛshiyaebi be mbra. Hale ewura gba maŋ kɔ ekpa nɛ e chɛrga kumo.”

Danɛl 6:8

Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.”

Ashuŋ Shunso 16:19

Kebichebi na mo nyɛnpeana ka pin fanɛ e maaŋ naŋ tiŋ n nya amansherbi n sa bumo nɛ b nyaŋ Pɔɔl nɛ Sailas ŋ gberge bumo n yɔ kelɔnɛ so, demujikpa n ya sa benimuana na.

Ashuŋ Shunso 16:24

Kabutikenipo na ka nu loŋ nɛ e ta bumo n wɔtɔ lalaloge be ebu na to nseŋ kre bumo be ayaana m mata ŋgbuliŋ gbɛgbɛso ko.