Danɛl 6:1 - EBƆRƐ BE KAWƆL

¹ Ewura Dairus daŋ lara egomena kalfa nɛ adunyɔ nna nseŋ shin nɛ bumo be ekama bee keni mbe efuli be kaba ko so.

Danɛl 6:1 ပူးပေါင်းရင်းမြစ်များ

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Jɛremaya 51:28

Men kaŋɛ Midia be efuli so be bewura nɛ bumo be benimuana nɛ efuliana nɛ baa keniso na kikɛ be benapo nɛ b wora shiriya m ba kɔ Babilɔn kena.

Danɛl 11:1

Dairus nɛ e la Mɛdi be esa na be kuwurji be kafɛ sososo to nɛ m ba kaa chɛ to a kuŋ mo.

Danɛl 3:2

Ndoŋ nna nɛ e kaŋɛ mbe gomena be benimuana, nɛ mbe besoetojipoana nɛ mbe amansherbi kenipoana nɛ demujipoana nɛ benimuana nɛ b ka na kikɛ fanɛ ekama e ba shɛr nɛ b kebugi kapɔrduli nɛ e pɔr na be kasheŋwora.

Danɛl 5:31

Ndoŋ nna nɛ Dairus nɛ e shi Mɛdi be efuli so nseŋ ji nfɛ adeshe nɛ anyɔ na ki Babilɔn be ewura.

Danɛl 6:2

Kumo be kaman, nɛ e lara Danɛl nɛ basa anyɔ ko fanɛ b baa keni egomena na so nɛ b baa wora ewura na be aparsheŋ efuli na so.

Danɛl 9:1

Jemanɛ ko ka ba fo nɛ ewura Sɛksis pibinyɛn Dairus nɛ e la Mɛdi be esa na ji kuwura ashi Babilɔn be efuli so.

1 Pita 2:14

ŋko mbe beyaasepo mo nɛ ewurgboŋ na bee kaa shuŋi fanɛ b ya kaa gberge alubiworapoana kusoe nsaa sa alelashenworapoana na mbo.