Danɛl 5:7 - EBƆRƐ BE KAWƆL

⁷ Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Danɛl 5:7 ပူးပေါင်းရင်းမြစ်များ

Jɛnesis 41:8

Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

Ɛsta 3:1

Asheŋ ere be kaman nɛ ewura Sɛgsis ta kenimu nɛ k bɛ ewura na so na n sa kanyɛn ko nɛ baa tre mo Heman nɛ e la Hammedaata pibinyɛn nseŋ shi Agag be kanaŋ to na.

Ɛksodɔs 7:11

Ndoŋ nna nɛ Fɛɛro malɛ tre mbe benyiashempo nɛ ŋkilgiwuraana nɛ bumo alɛ gba ba ta bumo be ŋkilgi n wora loŋ gbagba chap.

Aŋasa 1:9

Ŋkpal manɛ so bumo be keŋini na beeŋ sa fo da lela, fanɛ kananɛ neemu ŋko kubɔtoshembi bee sa esa kela na.

Sɔlɔmɔn 1:10

Akonde bee shin nɛ fo kebita bee lar alegaiso nna, nɛ fo kubɔtoshembi malɛ bee nyɛkpɛ fanɛ shuwa na.

Aizaaya 47:13

Dra dra men daa yɔ basa nɛ baa keni achɛkpabi nsaa kaŋɛ kusɔ nɛ k beeŋ wora echefoso kufɔl kikɛ na kutɔ n ya kaa fin kasotoji, ama k maŋ chɛ menyi to. To, men ya bishi bumo kananɛ menyeeŋ wora n nya kumɔlga a laŋɛ kusɔ nɛ k bee shin nɛ k wora ere be kaplɛa so.

Jɛremaya 50:35

Le nɛ Enyɛnpe Ebɔrɛ na kaŋɛ: “Luwu beeŋ ba Babilɔn be efuli so! K beeŋ ba kumo be basa kikɛ so nna, bewurjipoana nɛ benyiashempo kikɛ.

Ezikɛl 16:11

Ade kikɛ be kaman nɛ n sa fo enɔ to be mpinibi nɛ kubɔtoshembi

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Danɛl 1:4

E yɛ a daga fanɛ loŋ be basa e baa walɛ ayɛrbi nsaa kɔ kenyi a koya asheŋ manaŋ manaŋ, nsaa la basa nɛ b nya kebla lela. Bumo alɛ e sa maa kɔ ndulgi kikɛ bumo be eyur so, saŋɛ na so baaŋ nya ekpa a shuŋ ewurkpa. E yɛ Ashpenaaz e ŋini bumo Babilɔnebi be ŋgbar nɛ kumo be kakraŋ nɛ kasibɛ.

Danɛl 2:2

Ndoŋ nna nɛ e shuŋi n tre mbe belejipo nɛ ŋkilgiwuraana nɛ bekpalpo nɛ benyiashempo fanɛ b ba kaŋɛ mo edare nɛ e ku na be kifito. B ka ba ewura na kutɔ,

Danɛl 2:27

Ndoŋ nna nɛ Danɛl kaŋɛ le: “Yiramu, lejipo nɛ ŋkilgiwura nɛ ekpalpo nɛ enyiashempo kikɛ maŋ wɔtɔ nɛ e beeŋ tiŋ m pin le be kesheŋ.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Danɛl 2:6

Ama nɛ men baŋ tiŋ ŋ kaŋɛ ma edare na nɛ kumo be kifito bre, meeŋ sa menyi ŋkɛ damta nseŋ shin nɛ men nya kemaŋkuragboŋ. Amoso men kaŋɛ ma edare na nɛ kumo be kifito kikɛ.”

Danɛl 4:14

nseŋ boŋ to eleŋso ŋ kaŋɛ le: Men ku kedibi na n lɛ nseŋ kpele kumo be ayabi so. ‘Men nyia kumo be afantaŋ n lɛ nseŋ franyaŋ kumo be asɔrso to n lɛ. Men ju asɔbɔya ashi kumo be kifito nseŋ ju mbuibi nɛ b jɔŋ kumo be ayabi so na.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Danɛl 5:15

B daŋ bar benyiashempo nɛ ŋkilgiwuraana kikɛ nna fanɛ b ba kraŋ kasibɛ ere nseŋ kute kumo be kifito n sa ma, ama b maŋ tiŋ m pin kumo be kifito ŋ kute.

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Danɛl 5:29

Epul na to nɛ ewura Bɛlshaaza ponte ŋ kaŋɛ mbe nyɛrbi fanɛ b ta awurpiŋi peper kunɔkunɔ m ba mɛa Danɛl to, nseŋ ta shuwa be jaagba n di mbe kubɔto. Nseŋ ta mo ŋ ki esa sasopo nɛ e bɛ mo so ashi mbe kuwura to.

Nɔmbɛs 22:17

E yɛ e beeŋ ka fo kukɔ nseŋ naŋ sa fo kusɔ kama nɛ fee sha n ti so. Amoso jande, ba sho basa na kɔnɔ.”

Nɔmbɛs 22:7

Ndoŋ nna nɛ Mowabebi nɛ Midianebi be bejuŋkparpoana na ta amansherbi nɛ Ewura Balak be kubɔya na n yɔ nɛ b ya sa Balaam nɛ e ba shuŋ n sa bumo.

Nɔmbɛs 24:11

Lar nfe naniere kikɛ n yɔ epe! N daŋ nase kɔnɔ nna fanɛ meeŋ ka fo kukɔ nɛnɛ ama Enyɛnpe Ebɔrɛ na kuŋ kumo be loŋ be ekpa na.”

1 Samuɛl 17:25

Ndoŋ nna nɛ b kaŋɛ abar le: “Men keni, kananɛ kanyɛn ere bee ba kaa to anyi emaŋ nsaa tege anyi. Esa kama nɛ e tiŋ m mɔ mo, ewura na beeŋ sa mo kakɛ gboŋ. E beeŋ ta mo pibiche n sa mo nɛ e kil nɛ mbe kanaŋ malɛ kikɛ gba maaŋ naŋ ka lampo kikɛ ashi Israɛl be efuli so.”