Danɛl 5:3 - EBƆRƐ BE KAWƆL

³ Epul to nɛ b ya bar shuwa be asɔnuunchu nɛ ntishaŋ na, nɛ bumo kikɛ ta amo n nuu nsa,

Danɛl 5:3 ပူးပေါင်းရင်းမြစ်များ

2 Kronikɛls 36:18

Ewura Nebukadneeza daŋ ta bɔrɛlambu na to be amansherbi nɛ kumo to be asɔ nɛ a ka kikɛ nna n ta ewura na nɛ mbe benimuana be amansherbi kikɛ n ti so m bɛta n yɔ Babilɔn.

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Danɛl 5:2

Saŋɛ nɛ baa nuu nsa na, nɛ Bɛlshaaza ponte ŋ kaŋɛ fanɛ b ya ta shuwa nɛ gbiti be asɔnuunchu nɛ ntishaŋ nɛ mo tuto Nebukadneeza ta ashi Jerusalɛm be bɔrɛlambu to m ba na m ba, saŋɛ na so mo nɛ mbe bewurbi nɛ mbe beche nɛ mo jipoana beeŋ ta amo n nuu nsa.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 5:4

nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Habakuk 1:11

Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”

Malakai 1:12

Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Demujipoana 19:1

Pɔɛŋ nɛ bewura fara a ji kuwura ashi Israɛl be efuli so na, Livai be yiri to be kanyɛn ko e daa wɔ kakpa wɔfɔ ko ashi Efrayim be kepreŋsawule so nseŋ ya ta ejipoche ashi kade nɛ baa tre Bɛtlɛhɛm nɛ k wɔ Juda be efuli so na.