Danɛl 5:29 - EBƆRƐ BE KAWƆL

²⁹ Epul na to nɛ ewura Bɛlshaaza ponte ŋ kaŋɛ mbe nyɛrbi fanɛ b ta awurpiŋi peper kunɔkunɔ m ba mɛa Danɛl to, nseŋ ta shuwa be jaagba n di mbe kubɔto. Nseŋ ta mo ŋ ki esa sasopo nɛ e bɛ mo so ashi mbe kuwura to.

Danɛl 5:29 ပူးပေါင်းရင်းမြစ်များ

Jɛnesis 41:42

Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

Ɛsta 10:3

Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so.

Aŋasa 1:9

Ŋkpal manɛ so bumo be keŋini na beeŋ sa fo da lela, fanɛ kananɛ neemu ŋko kubɔtoshembi bee sa esa kela na.

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Danɛl 6:2

Kumo be kaman, nɛ e lara Danɛl nɛ basa anyɔ ko fanɛ b baa keni egomena na so nɛ b baa wora ewura na be aparsheŋ efuli na so.