Danɛl 5:2 - EBƆRƐ BE KAWƆL

² Saŋɛ nɛ baa nuu nsa na, nɛ Bɛlshaaza ponte ŋ kaŋɛ fanɛ b ya ta shuwa nɛ gbiti be asɔnuunchu nɛ ntishaŋ nɛ mo tuto Nebukadneeza ta ashi Jerusalɛm be bɔrɛlambu to m ba na m ba, saŋɛ na so mo nɛ mbe bewurbi nɛ mbe beche nɛ mo jipoana beeŋ ta amo n nuu nsa.

Danɛl 5:2 ပူးပေါင်းရင်းမြစ်များ

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

2 Bewura 24:13

nseŋ muu bɔrɛlambu na to nɛ ewurape be yawukpakpaso be asɔ nɛ a wɔ amo to nɛ shuwa be ntishaŋ nɛ ewura Sɔlɔmɔn daŋ shin nɛ b lɔŋɛ na kikɛ nna n yɔ Babilɔn fanɛ kananɛ Enyɛnpe Ebɔrɛ daŋ kaŋɛ na gbagba.

2 Bewura 25:15

B daŋ ta asɔ kama nɛ b daŋ ta shuwa nɛ gbiti n lɔŋɛ na kikɛ nna n yɔ.

2 Kronikɛls 11:20

Kumo be kaman nɛ Rehoboam ta Absalɔm pibiche Maaka. Mo nɛ Maaka daa kɔ mbinyɛnsobi ana nna, bumo e daa la: Abija nɛ Attai nɛ Ziza nɛ Shelomif.

2 Kronikɛls 15:16

Ewura Asa mo nanache Maaka daŋ yuu kedibi nna a shuŋ kegbirche nɛ baa tre Ashira na nɛ ewura Asa tia kumo ŋ kuya to n chɔɔ ashi Kidrɔn be ketaŋɛ to. Ŋkpal kusɔ nɛ Maaka wora na so nɛ ewura Asa lara mo ashi eyilikpa nɛ e daa kɔ efuli na so to.

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

2 Kronikɛls 36:18

Ewura Nebukadneeza daŋ ta bɔrɛlambu na to be amansherbi nɛ kumo to be asɔ nɛ a ka kikɛ nna n ta ewura na nɛ mbe benimuana be amansherbi kikɛ n ti so m bɛta n yɔ Babilɔn.

Ɛzra 5:14

Mo alɛ daŋ naŋ bɛta Ebɔrɛ be lambu to be shuwa nɛ gbiti be asɔ nɛ ewurgboŋ Nebukadneeza daŋ ta ashi Jerusalɛm n ya wɔtɔ mbe agbir be ebu to ashi Babilɔn na n sa Shɛɛshbaza, nɛ e daa la Juda be gomena na nna.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 50:35

Le nɛ Enyɛnpe Ebɔrɛ na kaŋɛ: “Luwu beeŋ ba Babilɔn be efuli so! K beeŋ ba kumo be basa kikɛ so nna, bewurjipoana nɛ benyiashempo kikɛ.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Danɛl 5:13

Ndoŋ nna nɛ b bar Danɛl ewura na be anishito epul na to nɛ ewura na bishi mo le: “Fo e la Danɛl nɛ fo la Juwebi b basa nɛ b pɛ kena to nɛ n tuto keta n shi Juda m ba na be eko na a?

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Danɛl 5:3

Epul to nɛ b ya bar shuwa be asɔnuunchu nɛ ntishaŋ na, nɛ bumo kikɛ ta amo n nuu nsa,

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Danɛl 5:4

nsaa di bumo be agbir nɛ b ta shuwa nɛ gbiti nɛ danyaŋ nɛ abɛlso nɛ ndibi nɛ ajembu n lɔŋɛ na epaŋ.