Danɛl 5:18 - EBƆRƐ BE KAWƆL

¹⁸ Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Danɛl 5:18 ပူးပေါင်းရင်းမြစ်များ

2 Bewura 25:28

Ewura Evilmɛrodak daŋ shu Juda be ewura Jehowachin so n wora mo kelela nseŋ sa mo bunyaŋ a chɔ bewura kama nɛ b pɛ m ba Babilɔn be efuli so na kikɛ.

Nshɛ 47:2

Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.

Nshɛ 9:2

Ma kagbene beeŋ fuli ma nɛ n ji eyur ŋkpal fo so. Enyɛnpetale Ebɔrɛ, meeŋ boŋ kashɛ n di fo ketre epaŋ.

Nshɛ 92:8

Fo, Enyɛnpe Ebɔrɛ na e naŋ baa ji kuwura kusɔ kama so mbaanaayɔ.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Nfabel 3:35

ŋko kepuni esa be kusɔ maa par mo. Enyɛnpetale Ebɔrɛ na bee wu kusɔ kama,

Nfabel 3:38

Kulubi nɛ kelela be ketiŋ wora kikɛ yil kusɔ nɛ Enyɛnpetale Ebɔrɛ na yili so nna.

Ezikɛl 31:11

ŋkpal loŋ so, ŋ kini kumo nna nsaa beeŋ shin nɛ efuli pɔtɛ ko be ewura e sɔ kumo nseŋ gberge kumo kusoe ŋkpal kumo be kumu kpakpaso so.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 4:2

K wora ma ebel ga ŋ ka bee shin nɛ ŋ kaŋɛ menyi asheŋ tumase nɛ emamachisheŋ nɛ Enyɛnpetale wora n sa ma.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 5:21

Mbe nfɛra daŋ ba ki fanɛ kusɔbɔya peya nna nɛ b ju mo n lar edimɛdi to. Mo nɛ kupuŋ to be ekurma e daa wɔtɔ, nɛ e daa we afitiri fanɛ kena nsaa dese kowu nɛ bunyaŋ bee tɔr mo so ŋkpal shɛŋ shɛŋ ka maŋ buu mo so so. Nɛ e wu fanɛ Enyɛnpetale Ebɔrɛ na kɔ eleŋ dimɛdi be kuwurji kikɛ so, nsaa kɔ ekpa nɛ e ta kuwurji na n sa esa kama nɛ e bee sha.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Ashuŋ Shunso 26:13

Yiramu, kapaso ko e daa la nɛ n wu kefulto ko ka fuli to a chɔ epeŋi n nyaŋɛ ashi ebɔrɛso m ba yuu ma nɛ basa nɛ an daa na na so.

Ashuŋ Shunso 26:19

“Amoso, Ewura Agripa, m maŋ kini kenu n sa bɔrɛdare nɛ k shi ebɔrɛso m ba ma kutɔ na.

Ashuŋ Shunso 7:48

Ama Enyɛnpetale Ebɔrɛ pe maŋ la nyiŋgbasa be nwu pɔrso fanɛ kananɛ anebiana kaŋɛ fanɛ Ebɔrɛ kaŋɛ na:

Ditɛronɔmi 32:8

Enyɛnpetale Ebɔrɛ na e naa sa efuli kama so ebi nsawule; mo e naa ŋini basa kakpa nɛ baaŋ chena.