Danɛl 5:13 - EBƆRƐ BE KAWƆL

¹³ Ndoŋ nna nɛ b bar Danɛl ewura na be anishito epul na to nɛ ewura na bishi mo le: “Fo e la Danɛl nɛ fo la Juwebi b basa nɛ b pɛ kena to nɛ n tuto keta n shi Juda m ba na be eko na a?

Danɛl 5:13 ပူးပေါင်းရင်းမြစ်များ

Ɛzra 10:16

Ŋkpal galeŋga ka daŋ shuli n sa kamalga na so, Ɛzra, bɔrɛmatapo na, daŋ lara bejuŋkparpo na be beko nna n shin nɛ b sibɛ bumo be atre n nase. Kufɔl kudusopo na be kachɛ juŋkparso na nɛ b fara a keni asheŋ na to.

Ɛzra 10:7

Ndoŋ nna nɛ bejuŋkparpo na nɛ benimu na sa ebɔl Juda be efuli so nɛ Jerusalɛm to fanɛ bekama nɛ b bɛta m ba na kikɛ e shɛr Jerusalɛm to.

Ɛzra 4:1

Juda nɛ Bɛnjamin ebi be bedoŋ ka nu fanɛ Israɛlebi na bɛta m ba nɛ b ba lɔŋɛ Enyɛnpe, Israɛl be Ebɔrɛ na be lambu m pɔr,

Ɛzra 6:16

Kumo be kaman nɛ Israɛlebi na, bɔrɛmatapoana nɛ Livaiebi nɛ bekama nɛ b bɛta m ba na kikɛ, be ŋgbene fuli bumo ga nɛ b ta bɔrɛlambu na m bɔɔ Ebɔrɛ enɔ.

Danɛl 1:1

Jehowakim ka ji Juda be kuwura be kafɛ sasopo nɛ ewura Nebukadneeza nɛ e la Babilɔn be efuli so be ewura na nɛ mbe benapo ba kulti Jerusalɛm n wɔtɔ ŋ kɔ kumo kena.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Danɛl 1:21

Danɛl daŋ ji ewurkpa na nna hale n ya fo kafɛ nɛ Pɛshiya be efuli so be ewura nɛ baa tre Sairus kɔ m pɔɔ Babilɔn be efuli so nseŋ ji kumo be kuwura na.

Danɛl 1:6

Danɛl nɛ Hananiya nɛ Mishaal nɛ Azariya nɛ b shi Juda be yiri to na daŋ ti basa nɛ b daŋ lara na so nna.

Danɛl 2:25

Epul na to nɛ Ariɔk keta Danɛl n yɔ ewura Nebukadneeza kutɔ n ya kaŋɛ mo le: “Yiramu, n wu Juda b basa nɛ b pɛ kena to na be eko nɛ e beeŋ tiŋ ŋ kaŋɛ fo edare na be kifito.”

Danɛl 2:48

Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Danɛl 5:14

N nu fanɛ agbir cheembiana na be kiyoyu wɔ fo to, nɛ fee tiŋ a wora asheŋ manaŋ manaŋ nseŋ naa kɔ nfɛra nɛ kanyiasheŋ.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Danɛl 5:2

Saŋɛ nɛ baa nuu nsa na, nɛ Bɛlshaaza ponte ŋ kaŋɛ fanɛ b ya ta shuwa nɛ gbiti be asɔnuunchu nɛ ntishaŋ nɛ mo tuto Nebukadneeza ta ashi Jerusalɛm be bɔrɛlambu to m ba na m ba, saŋɛ na so mo nɛ mbe bewurbi nɛ mbe beche nɛ mo jipoana beeŋ ta amo n nuu nsa.

Danɛl 6:13

Ndoŋ nna nɛ b kaŋɛ ewura na le: “Basa nɛ b pɛ kena to ashi Juda m ba nfe na be emo nɛ baa tre Danɛl na bre maa bunyaŋ fo kuwura ŋko a bɛ mbra nɛ fo nase na so. Karechɛ kikɛ ale asa nɛ e bee kule Ebɔrɛ.”

Danɛl 8:1

Bɛlshaaza ka ki ewura be kafɛ sasopo to nɛ n naŋ ku bɔrɛdare ere malɛ.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Baru lela nɛ Jɔn kute na 7:1

Ade be kaman nɛ Yesu shir a wɔ Galili be efuli so be nde nawule to a nite a maa sha kenite Judiya bre to, ŋkpal manɛ so, ndoŋ be Juwebi be benimuana na daa fin mo nna nɛ b mɔ.

Baru lela nɛ Jɔn kute na 7:3

nɛ Yesu mo siponyɛnsoana kaŋɛ mo le: “A daŋ daga fo ka lar nfe nna n yɔ Judiya nɛ fo bebɛsopo e ya wu fo asheŋ woraso.