Danɛl 5:11 - EBƆRƐ BE KAWƆL

¹¹ Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Danɛl 5:11 ပူးပေါင်းရင်းမြစ်များ

Jɛnesis 41:38

Nɛ Fɛɛro bishi mbe benimu na: “Anyeeŋ naŋ tiŋ n nya esa ko n naŋ baŋ kanyɛn nɛ Ebɔrɛ be kiyoyu wɔ mo to ere so a?”

2 Samuɛl 14:17

Naniere bre ma kagbene dese ŋkpal fo ka pin alubi nɛ alela be mbarga nseŋ nase ma kɔnɔ lela so. Ma kabɔrɛkule e la fanɛ Enyɛnpe fo Ebɔrɛ na e baa wɔ fo kaman.”

Ezikɛl 28:3

Fo alɛ naa fɛ fanɛ fo nyi asheŋ nna a chɔ Danɛl nɛ Babilɔn be ewura daŋ ta n wɔtɔ ebuluŋ to na, ŋko ashiri kikɛ maŋ ŋana fo so.

Ezikɛl 28:4

Fo yɛ fo kanyiasheŋ nɛ kashennyi e shin nɛ fo dii kedama nseŋ nya shuwa nɛ gbiti m bɔlɔ ebu na.

Danɛl 1:4

E yɛ a daga fanɛ loŋ be basa e baa walɛ ayɛrbi nsaa kɔ kenyi a koya asheŋ manaŋ manaŋ, nsaa la basa nɛ b nya kebla lela. Bumo alɛ e sa maa kɔ ndulgi kikɛ bumo be eyur so, saŋɛ na so baaŋ nya ekpa a shuŋ ewurkpa. E yɛ Ashpenaaz e ŋini bumo Babilɔnebi be ŋgbar nɛ kumo be kakraŋ nɛ kasibɛ.

Danɛl 2:11

Yiramu, kusɔ nɛ fee bishi ere du kpakpa ga, amoso esa kama maaŋ tiŋ n wora loŋ, she agbir. Amo alɛ maŋ la edimɛdi a wɔ anyi to.”

Danɛl 2:22

Fo e naa lara asheŋ chiŋgeliŋ nɛ ewulosheŋ be afito a ŋini basa; Fo e nyi kusɔ nɛ k ŋana tentembiri to nɛ kefulto malɛ kulti fo n wɔtɔ.

Danɛl 4:18

Edare nɛ ma ewura Nebukadneeza ku na nna na. Bɛlteshaaza, kaŋɛ ma kumo be kifito, ŋkpal manɛ so ma benyiashempo kikɛ maŋ tiŋ ŋ kaŋɛ ma kumo be kifito, ama n nyi fo ere ka beeŋ tiŋ. Ŋkpal manɛ so, agbir cheembi na be kiyoyu wɔ fo to.’ ”

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Danɛl 4:6

Ndoŋ nna nɛ m ponte n tre Babilɔn be benyiashempo kikɛ fanɛ b ba kaŋɛ ma edare na be kifito.

Danɛl 5:14

N nu fanɛ agbir cheembiana na be kiyoyu wɔ fo to, nɛ fee tiŋ a wora asheŋ manaŋ manaŋ nseŋ naa kɔ nfɛra nɛ kanyiasheŋ.

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Ashuŋ Shunso 12:22

Nɛ basa na malga eleŋso ŋ kaŋɛ: “Mannɛ nyiŋgbasa e naa malga ere. Ebɔrɛ ko nna.”

Ashuŋ Shunso 14:11

Jimaŋ na ka wu kusɔ nɛ Pɔɔl wora na nɛ b fara a wora awɔr bumo be ŋgbar Laikonia to a kaŋɛ: “Anyi be ebɔrɛana e ki enyiŋgbasa n shi ebɔrɛso ŋ gbelge m ba anyi kutɔ na.”

Ashuŋ Shunso 16:16

Kachako an ka bee yɔ kabɔrɛkulekpa nɛ kebichebi ko nɛ kiyoyu lubi ko daa wɔ mo to a shin nɛ e daa wu asheŋ a kaŋɛ na tu anyi. Mbe kewu asheŋ ŋ kaŋɛ na daa shin nɛ e daa nya amansherbi damta ga nna a sa mo nyɛnpeana.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.