Danɛl 4:7 - EBƆRƐ BE KAWƆL

⁷ B ka ba shɛr nɛ ŋ kaŋɛ bumo ma edare na. Ama b daa maŋ tiŋ ŋ kaŋɛ ma kumo be kifito.

Danɛl 4:7 ပူးပေါင်းရင်းမြစ်များ

Jɛnesis 41:24

Ndoŋ nna nɛ ayu pɔsampɔsambi na ta ayu amu lela ashunu na m min. Ŋ kute edareana ere ŋ ŋini efuli ere so be belejipo kikɛ, ama bumo be ekama maŋ tiŋ ŋ kute amo be kifito n sa ma.”

Jɛnesis 41:8

Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

Nshɛ 37:35

N wu amukpakpasowuraana ka puni basa n nyalɛ; fanɛ kananɛ ndibi bee daŋ a walɛ nɛnɛ ashi kasawule lela so na.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Ezikɛl 31:3

Fo du fanɛ Lebanɔn be efuli so be kedibi nɛ baa tre sida; Nɛ k kɔ ayabi lela nɛ kiyoyul ga, nsaa wɔ nteŋ a sha kechute awɔlpa na nna.

Danɛl 1:4

E yɛ a daga fanɛ loŋ be basa e baa walɛ ayɛrbi nsaa kɔ kenyi a koya asheŋ manaŋ manaŋ, nsaa la basa nɛ b nya kebla lela. Bumo alɛ e sa maa kɔ ndulgi kikɛ bumo be eyur so, saŋɛ na so baaŋ nya ekpa a shuŋ ewurkpa. E yɛ Ashpenaaz e ŋini bumo Babilɔnebi be ŋgbar nɛ kumo be kakraŋ nɛ kasibɛ.

Danɛl 2:10

Ndoŋ nna nɛ mbe besoetojipoana na kaŋɛ le: “Yiramu, esa kikɛ maŋ wɔ durnya ere to nɛ e beeŋ tiŋ m pin ŋ kaŋɛ kusɔ nɛ fee sha ere. Ewura kama, nɛ e bee ji eleŋ kanaŋkama so, maŋ naŋ kaŋɛ mbe belejipo nɛ ŋkilgiwuraana nɛ benyiashempo fanɛ b wora le be kesheŋ kikɛ.

Danɛl 2:27

Ndoŋ nna nɛ Danɛl kaŋɛ le: “Yiramu, lejipo nɛ ŋkilgiwura nɛ ekpalpo nɛ enyiashempo kikɛ maŋ wɔtɔ nɛ e beeŋ tiŋ m pin le be kesheŋ.

Danɛl 2:7

Nɛ b naŋ kaŋɛ: “Yiramu! Nɛ fo kaŋɛ anyi fo edare na bre, anyi alɛ beeŋ kaŋɛ fo kumo be kifito.”

Danɛl 3:8

Ndoŋ nna nɛ Babilɔnebi na be beko bɔla kumo so a wu Juwebi na kulubi.

Danɛl 4:18

Edare nɛ ma ewura Nebukadneeza ku na nna na. Bɛlteshaaza, kaŋɛ ma kumo be kifito, ŋkpal manɛ so ma benyiashempo kikɛ maŋ tiŋ ŋ kaŋɛ ma kumo be kifito, ama n nyi fo ere ka beeŋ tiŋ. Ŋkpal manɛ so, agbir cheembi na be kiyoyu wɔ fo to.’ ”

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Danɛl 5:8

Nɛ Ewura na be benyiashempo na kikɛ lar m ba kraŋ kasibɛ na ŋ gben. Amoso b maŋ tiŋ m pin kumo be kifito.