Danɛl 4:34 - EBƆRƐ BE KAWƆL

³⁴ Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 4:34 ပူးပေါင်းရင်းမြစ်များ

2 Samuɛl 22:31

Le be Ebɔrɛ ere be asheŋ woraso niŋi ga, mo alɛ be kamalga maŋ kɔ saŋgre kikɛ! E du fanɛ kebɛlso be kusɔ kuŋso nna n sa bekama nɛ baa fin kekuŋ ashi mo kutɔ.

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

1 Kronikɛls 29:13

Anyi be Ebɔrɛ, kechɔrɔ nɛ kapandi e baa la fo peya.

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Nshɛ 10:16

Enyɛnpe Ebɔrɛ na e naa ji kuwura kusɔ kama so mbaanaayɔ. Efuli pɔtɛana na beeŋ mur ashi mbe kasawule so.

Nshɛ 102:24

Ndoŋ nna nɛ ŋ kaŋɛ le: O ma Ebɔrɛ, sa maŋ ta ma, nɛ ma nchɛ maŋ naŋ fo. Fo ere wɔtɔ nna mbaanaayɔ.

Nshɛ 107:15

A daga fanɛ men di Ebɔrɛ epaŋ ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ so.

Nshɛ 107:22

A daga fanɛ men lara esarga n di mo epaŋ a boŋ nshɛ kagbenefuliso a kaŋɛ asheŋ nɛ e wora be asheŋ.

Nshɛ 107:31

A daga fanɛ men di Ebɔrɛ epaŋ, ŋkpal mbe kasha nɛ k maa loge nɛ emamachisheŋ nɛ e bee wora a sa edimɛdi kikɛ na so.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 111:7

Ebɔrɛ be kasheŋwora kikɛ to, e bee ji asheŋ nɛ amo be ekpa so nna. Esa beeŋ tiŋ n yirda mbe mbraana.

Nshɛ 121:1

N to kenishi ŋ keni abee so; Nnɛ nɛ ma kechɛto bee shi a ba?

Nshɛ 123:1

O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

Nshɛ 145:13

Fo kuwurji wɔtɔ nna mbaanaayɔ; k maŋ kɔ ekar, fo alɛ bee ji kuwura nna, yili kenana ko n ya fo kenana ko to ebi so nna. An Nyɛnpe Ebɔrɛ, fo e naa wora a bɔlɔ fo nnɔ naseso so nsaa wora kusɔ kama nɛ fo kaŋɛ feeŋ wora.

Nshɛ 146:10

Enyɛnpe Ebɔrɛ, nɛ e la Jerusalɛm be Ebɔrɛ na, bee ji kuwura nna mbaanaayɔ! Men baa kpaŋ Enyɛnpe Ebɔrɛ na!

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 66:7

E kɔ mbe eleŋgboŋ nna a ji kuwura mbaanaayɔ, nɛ efuliana na maaŋ tiŋ n wora shɛŋ shɛŋ ŋ ŋana mo so. Amoso, amukpakpasowuraana maaŋ tiŋ ŋ kre kena ŋ kɔ mo.

Nshɛ 7:17

Mee chɔrɔ Enyɛnpe Ebɔrɛ ga ŋkpal e ka bee wora asheŋ nɛ amo be ekpa so so. Meeŋ boŋ kashɛ n di Enyɛnpetale Ebɔrɛ nɛ e wɔ esoso na epaŋ.

Nshɛ 9:2

Ma kagbene beeŋ fuli ma nɛ n ji eyur ŋkpal fo so. Enyɛnpetale Ebɔrɛ, meeŋ boŋ kashɛ n di fo ketre epaŋ.

Nshɛ 92:1

Kekpaŋ Enyɛnpetale Ebɔrɛ na nɛ keboŋ nshɛ n dele mo walɛ ga.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 24:15

nɛ bumo nɛ b wɔ epeŋilarkpa na malɛ e kpaŋ mo. Basa nɛ b wɔ teku be ekarso na malɛ gba beeŋ fur Enyɛnpe, Israɛl be Ebɔrɛ na.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Nfabel 3:38

Kulubi nɛ kelela be ketiŋ wora kikɛ yil kusɔ nɛ Enyɛnpetale Ebɔrɛ na yili so nna.

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 4:2

K wora ma ebel ga ŋ ka bee shin nɛ ŋ kaŋɛ menyi asheŋ tumase nɛ emamachisheŋ nɛ Enyɛnpetale wora n sa ma.

Danɛl 4:26

Ama malaika na shin nɛ b yige keyimu na kasawule to nna, a ŋini fanɛ feeŋ naŋ laŋɛ m ba ki ewura saŋɛ nɛ fo shuli so fanɛ Ebɔrɛ nawule e naa ji durnya ere so eleŋ na.

Danɛl 4:3

Ebɔrɛ be etumasesheŋ shibi ga nɛ mbe emamachisheŋ bee mɔ kɔnɔ. Mbe kuwurji wɔtɔ nna hale mbaanaayɔ.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Danɛl 4:36

Ma nfɛra ka naŋ ba abar so na, nɛ n naŋ nya ma bunyaŋ nɛ adelebigboŋ nɛ kemaŋkura nɛ ma kuwurji. Nɛ ma benimuana nɛ bewurabiana na kikɛ naŋ sɔ ma nseŋ ta ma n yili kuwurji be eyilikpa nɛ k chɔ ma eyilikpa dra na.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Danɛl 5:21

Mbe nfɛra daŋ ba ki fanɛ kusɔbɔya peya nna nɛ b ju mo n lar edimɛdi to. Mo nɛ kupuŋ to be ekurma e daa wɔtɔ, nɛ e daa we afitiri fanɛ kena nsaa dese kowu nɛ bunyaŋ bee tɔr mo so ŋkpal shɛŋ shɛŋ ka maŋ buu mo so so. Nɛ e wu fanɛ Enyɛnpetale Ebɔrɛ na kɔ eleŋ dimɛdi be kuwurji kikɛ so, nsaa kɔ ekpa nɛ e ta kuwurji na n sa esa kama nɛ e bee sha.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

Danɛl 9:14

O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Jona 1:14

Ndoŋ nna nɛ b kule Enyɛnpe Ebɔrɛ na ŋ kaŋɛ le: “O, Enyɛnpe Ebɔrɛ, jande, sa maŋ shin nɛ an wu ŋkpal anyi ka bee shin nɛ an lara kanyɛn ere be ŋkpa so. Sa maŋ kaŋ ji anyi demu ŋkpal an ka mɔ esa nɛ e maŋ kɔ kulubi so. Ŋkpal manɛ so, fo Enyɛnpe Ebɔrɛ na e naa wora kusɔ kikɛ fo keparso.”

Maika 4:7

Meeŋ shin nɛ ma basa nɛ b shir kaman kasawule na so nsaa du fanɛ ebobi na e naŋ ki efuli lempo so ebi. Ma alɛ beeŋ baa wɔ Zayɔn be kebee na so nna a ji kuwura bumo so hale mbaanaayɔ.”

Luuk 1:33

E beeŋ ba ki Jeekɔb be kanaŋ to be Ewura mbaanaayɔ. Mbe kuwura maaŋ loge kikɛ.”

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Baru lela nɛ Jɔn kute na 5:26

Kananɛ ŋkpa shi Etuto na to na, loŋ gbagba na nɛ e shin nɛ ŋkpa bee shi Ebinyɛn na gba to.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Kelaraŋŋini 10:6

nseŋ bɔ esa nɛ e wɔ ŋkpa to mbaanaayɔ na, emo nɛ e to ebɔrɛso nɛ asɔ nɛ a wɔ kumo to na kikɛ nseŋ to kasawule nɛ asɔ nɛ a wɔ kumo to na kikɛ nseŋ naŋ to teku nɛ asɔ nɛ a wɔ kumo to na kikɛ nseŋ kaŋɛ le: “K maaŋ naŋ chɛr nɛ saŋɛ na e fo.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.