Danɛl 4:31 - EBƆRƐ BE KAWƆL

³¹ E kraa malga nna nɛ ebɔl shi ebɔrɛso ŋ kaŋɛ mo le: “Ewura Nebukadneeza, nu nfe! B sɔ fo kuwurji ashi fo kutɔ.

Danɛl 4:31 ပူးပေါင်းရင်းမြစ်များ

Jɛnesis 14:18

Ndoŋ nna nɛ Mɛlkizedɛk nɛ e daa la Salɛm be ewura nseŋ naa la Ebɔrɛ Ewurgboŋ na be bɔrɛmatapo na, ta bodobodo nɛ nsa ko m bar Eebram

Job be kawɔl 20:23

Jemanɛ nɛ b ji m bɔlɔ epunana na, nɛ Ebɔrɛ beeŋ shin nɛ mbe agbo nɛ k bee suse fanɛ edɛ na e ba bumo so.

Nshɛ 145:13

Fo kuwurji wɔtɔ nna mbaanaayɔ; k maŋ kɔ ekar, fo alɛ bee ji kuwura nna, yili kenana ko n ya fo kenana ko to ebi so nna. An Nyɛnpe Ebɔrɛ, fo e naa wora a bɔlɔ fo nnɔ naseso so nsaa wora kusɔ kama nɛ fo kaŋɛ feeŋ wora.

Aŋasa 29:23

Kamoowu bee bar esa kaseto nna, ama kamoobarase bee sa esa kemaŋkura nna.

Aizaaya 14:27

Enyɛnpetale Ebɔrɛ na e yili kumo mbe kagbene to fanɛ e beeŋ wora ade kikɛ. Esa kikɛ malɛ maaŋ tiŋ ŋ kuŋ mo ekpa fanɛ e sa maŋ wora amo.

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Danɛl 4:24

Yiramu, edare na bee ŋini nna fanɛ Enyɛnpetale Ebɔrɛ na e yili kumo fanɛ le be asheŋ beeŋ tu fo.

Danɛl 4:26

Ama malaika na shin nɛ b yige keyimu na kasawule to nna, a ŋini fanɛ feeŋ naŋ laŋɛ m ba ki ewura saŋɛ nɛ fo shuli so fanɛ Ebɔrɛ nawule e naa ji durnya ere so eleŋ na.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Danɛl 5:28

Kebarga to na malɛ bee ŋini nna fanɛ b barga fo kuwurji na to n sa Mɛdiebi nɛ Pɛshiyaebi.”

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Baru lela nɛ Jɔn kute na 12:28

N Tuto, maŋkura fo ketre. Ndoŋ nna nɛ ebɔl shi ebɔrɛso ŋ kaŋɛ: “N teŋ maŋkura kumo, ama meeŋ naŋ maŋkura kumo.”

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.

Kelaraŋŋini 16:7

Nɛ n nu ebɔl ka shi bɔrɛsure na akpa ŋ kaŋɛ: “Enyɛnpetale Enyɛnpe Ebɔrɛ, fo demuji kɔ kashenteŋ nseŋ niŋi pasaa.”

1 Samuɛl 13:14

Ama ŋkpal fo ka kini kenu n sa Enyɛnpe Ebɔrɛ so nɛ e yɛ e maaŋ naŋ lara fo kanaŋ to be esa kikɛ nɛ e ki Israɛl be ewura na. E teŋ lara mo gbagba be kepar be esa nɛ e beeŋ baa la mbe basa be ewura.”

1 Samuɛl 15:23

Kekini kenu n sa Enyɛnpe Ebɔrɛ du fanɛ kegbaya nna. Nɛ kamoowu malɛ du fanɛ kagbirshuŋ. Ŋkpal fo ka kini kenu n sa Enyɛnpe Ebɔrɛ na so, mo alɛ gba kini fo fanɛ ewura.”