Danɛl 4:3 - EBƆRƐ BE KAWƆL

³ Ebɔrɛ be etumasesheŋ shibi ga nɛ mbe emamachisheŋ bee mɔ kɔnɔ. Mbe kuwurji wɔtɔ nna hale mbaanaayɔ.

Danɛl 4:3 ပူးပေါင်းရင်းမြစ်များ

Job be kawɔl 25:2

“Ebɔrɛ shi ga nseŋ daga keŋana, ŋkpal manɛ so, mo e naa ji kuwura ebɔrɛso, nɛ kusɔ kama bee nite nɛnɛ ndoŋ.

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 105:27

B daŋ wora emamachisheŋ nɛ asheŋ tumase gboŋ ashi Ijipt be efuli so nna.

Nshɛ 145:13

Fo kuwurji wɔtɔ nna mbaanaayɔ; k maŋ kɔ ekar, fo alɛ bee ji kuwura nna, yili kenana ko n ya fo kenana ko to ebi so nna. An Nyɛnpe Ebɔrɛ, fo e naa wora a bɔlɔ fo nnɔ naseso so nsaa wora kusɔ kama nɛ fo kaŋɛ feeŋ wora.

Nshɛ 66:7

E kɔ mbe eleŋgboŋ nna a ji kuwura mbaanaayɔ, nɛ efuliana na maaŋ tiŋ n wora shɛŋ shɛŋ ŋ ŋana mo so. Amoso, amukpakpasowuraana maaŋ tiŋ ŋ kre kena ŋ kɔ mo.

Nshɛ 72:18

Anyee kpaŋ fo, Enyɛnpe, Israɛl be Ebɔrɛ na nna. Fo nawule e naa tiŋ a wora emamachisheŋ.

Nshɛ 77:19

Fo daŋ nase ekpa teku be nchugboŋ na to nna, nɛ k wora fanɛ fo ka bɔla kumo to n choŋ; ama esa maŋ wu fo aya ka dese.

Nshɛ 86:10

Fo ka la Ebɔrɛ so, fo nawule e naa wora emamachisheŋ nɛ e bee mɔ kɔnɔ.

Nshɛ 92:5

O Enyɛnpe Ebɔrɛ, fee wora asheŋgboŋ pasaa, fo nfɛra fɛso malɛ du chiŋgeliŋ alegaiso!

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 28:29

Kanyiasheŋ ere kikɛ shi Enyɛnpetale Ebɔrɛ na kutɔ nna. Ebɔrɛ bee kre ŋkre kanyiasheŋ so nna, nɛ amo alɛ bee wora a bɔlɔ so jemanɛ kikɛ!

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Danɛl 2:2

Ndoŋ nna nɛ e shuŋi n tre mbe belejipo nɛ ŋkilgiwuraana nɛ bekpalpo nɛ benyiashempo fanɛ b ba kaŋɛ mo edare nɛ e ku na be kifito. B ka ba ewura na kutɔ,

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Danɛl 7:27

Baaŋ ta kasawule ere so be kuwurji kikɛ be eleŋ n sa Enyɛnpetale Ebɔrɛ na be basa. Bumo alɛ be kuwurji be eleŋ maaŋ loge kikɛ. Durnya ere to malɛ be bejuŋkparpo kikɛ beeŋ baa nu a sa bumo nsaa shuŋ bumo.”.

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

Hibruwebi 1:8

Ama Ebinyɛn na bre be asheŋ, le nɛ Ebɔrɛ kaŋɛ: “O Ebɔrɛ, fo kuwura beeŋ baa wɔtɔ mbaanaayɔ. Kashenteŋ malɛ nɛ feeŋ baa kɔ a ji kuwura fo basa so ashi fo kuwura na to.

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”