Danɛl 4:26 - EBƆRƐ BE KAWƆL

²⁶ Ama malaika na shin nɛ b yige keyimu na kasawule to nna, a ŋini fanɛ feeŋ naŋ laŋɛ m ba ki ewura saŋɛ nɛ fo shuli so fanɛ Ebɔrɛ nawule e naa ji durnya ere so eleŋ na.

Danɛl 4:26 ပူးပေါင်းရင်းမြစ်များ

Danɛl 2:18

Nseŋ kaŋɛ bumo fanɛ b kule Ebɔrɛ nɛ e wɔ ebɔrɛso na nɛ e wu bumo kuwɔr m bugi alemaŋkarsheŋ na to n sa bumo, saŋɛ na so b maaŋ mɔ bumo nɛ Babilɔn be besoetojipoana na.

Danɛl 2:19

Kumo be kanyɛso gbagba nɛ Ebɔrɛ bugi alemaŋkarsheŋ na be kifito n sa Danɛl ashi bɔrɛdare to, nɛ e di Ebɔrɛ nɛ e wɔ ebɔrɛso na epaŋ ga ŋ kaŋɛ le:

Danɛl 2:37

Yiramu, fo e la bewura kikɛ to be ewurgboŋ. Ebɔrɛ nɛ e wɔ esoso na malɛ e ta fo ŋ ki ewurgboŋ nseŋ ta eleŋ nɛ bunyaŋ n sa fo.

Danɛl 4:15

Ama men yige kumo be keyimu, nɛ b ta kebɛlso nɛ danyaŋ be ŋgbɛlɛbi ŋ kre na, nɛ kumo be nliŋi kasawule to ashi kupuŋ to. Kedibi ere du fanɛ dimɛdi nna. Amoso shin nɛ bunyaŋ e shi esoso m ba tɔr mo so, nseŋ shin nɛ mo nɛ asɔbɔya e baa wɔ kupuŋ to.

Danɛl 4:23

Yiramu, fo ka wu malaika na ka shi esoso ŋ gbelge to a ba na, le nɛ e daŋ kaŋɛ: ‘Ku kedibi na n lɛ nseŋ kpele kumo to cheche ama ta kebɛlso nɛ danyaŋ be ŋgbɛlɛbi m mɛa kumo be keyimu so n yige kumo kasawule to nɛ k baa wɔ kupuŋ to. Shin nɛ bunyaŋ e shi esoso m ba tɔr kanyɛn nɛ e du fanɛ kedibi ere na so, nseŋ shin nɛ mo nɛ asɔbɔya e baa wɔ kupuŋ to n ya fo nfɛnshunu.’

Danɛl 4:31

E kraa malga nna nɛ ebɔl shi ebɔrɛso ŋ kaŋɛ mo le: “Ewura Nebukadneeza, nu nfe! B sɔ fo kuwurji ashi fo kutɔ.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Danɛl 5:21

Mbe nfɛra daŋ ba ki fanɛ kusɔbɔya peya nna nɛ b ju mo n lar edimɛdi to. Mo nɛ kupuŋ to be ekurma e daa wɔtɔ, nɛ e daa we afitiri fanɛ kena nsaa dese kowu nɛ bunyaŋ bee tɔr mo so ŋkpal shɛŋ shɛŋ ka maŋ buu mo so so. Nɛ e wu fanɛ Enyɛnpetale Ebɔrɛ na kɔ eleŋ dimɛdi be kuwurji kikɛ so, nsaa kɔ ekpa nɛ e ta kuwurji na n sa esa kama nɛ e bee sha.

Matiu 21:20

Bebɛsopo na ka wu loŋ nɛ k chinchiŋ bumo ga nɛ b bishi Yesu: “Nuso nɛ figi be kedibi ere wora n wu epul ere to loŋ?”

Matiu 5:34

Ama ma e kaŋɛ menyi na fanɛ men sa maa bɔ gba kuraa. Men sa maa bɔ ebɔrɛso, ŋkpal manɛ so, ndoŋ la Ebɔrɛ be kuwurputiakpa nna.

Luuk 15:18

Cha, meeŋ koso n yɔ n tuto kutɔ n ya kaŋɛ mo le: N tuto, n wora alubi ŋ gbiti fo nɛ Ebɔrɛ.

Luuk 15:21

Nɛ kebinyɛnbi na kaŋɛ mo le: ‘N tuto, n wora alubi ŋ gbiti fo nɛ Ebɔrɛ. A maŋ naŋ daga b ka naa tre ma fo pibi.’