Danɛl 4:23 - EBƆRƐ BE KAWƆL

²³ Yiramu, fo ka wu malaika na ka shi esoso ŋ gbelge to a ba na, le nɛ e daŋ kaŋɛ: ‘Ku kedibi na n lɛ nseŋ kpele kumo to cheche ama ta kebɛlso nɛ danyaŋ be ŋgbɛlɛbi m mɛa kumo be keyimu so n yige kumo kasawule to nɛ k baa wɔ kupuŋ to. Shin nɛ bunyaŋ e shi esoso m ba tɔr kanyɛn nɛ e du fanɛ kedibi ere na so, nseŋ shin nɛ mo nɛ asɔbɔya e baa wɔ kupuŋ to n ya fo nfɛnshunu.’

Danɛl 4:23 ပူးပေါင်းရင်းမြစ်များ

Danɛl 4:26

Ama malaika na shin nɛ b yige keyimu na kasawule to nna, a ŋini fanɛ feeŋ naŋ laŋɛ m ba ki ewura saŋɛ nɛ fo shuli so fanɛ Ebɔrɛ nawule e naa ji durnya ere so eleŋ na.

Danɛl 5:21

Mbe nfɛra daŋ ba ki fanɛ kusɔbɔya peya nna nɛ b ju mo n lar edimɛdi to. Mo nɛ kupuŋ to be ekurma e daa wɔtɔ, nɛ e daa we afitiri fanɛ kena nsaa dese kowu nɛ bunyaŋ bee tɔr mo so ŋkpal shɛŋ shɛŋ ka maŋ buu mo so so. Nɛ e wu fanɛ Enyɛnpetale Ebɔrɛ na kɔ eleŋ dimɛdi be kuwurji kikɛ so, nsaa kɔ ekpa nɛ e ta kuwurji na n sa esa kama nɛ e bee sha.

Danɛl 8:13

Kumo be kaman nɛ n nu Ebɔrɛ be emalaika na be eko ka bee bishi mo barkasa le: “Nchɛ afanɛ nɛ asɔ nɛ b wu bɔrɛdare ere to ere beeŋ ji n ya fo? Nchɛ afanɛ nɛ le be alubisheŋ nɛ a maŋ walɛ kekeni ere beeŋ sɔ karechɛ kama be esarga be kelara ere be kakpa? Alɛ fanɛ nɛ baaŋ chichi n chichi ebɔrɛso be benapo na nɛ bɔrɛlambu na so?”