Danɛl 4:19 - EBƆRƐ BE KAWƆL

¹⁹ Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 4:19 ပူးပေါင်းရင်းမြစ်များ

Jɛnesis 31:35

Nɛ Reechel kaŋɛ mo tuto Leeban le: “Ebunyampo, jande, sa maŋ kaŋ nya agbo n wora ma ŋkpal ŋ ka maŋ niŋi to n yili fo anishito bunyanso so. N wora eyurpi nna so nɛ m maaŋ tiŋ n niŋi to na.” Ndoŋ nna nɛ Leeban keni ŋ keni kaplɛkama, ama e daa maŋ wu mbe laŋ to be agbir na.

Jɛnesis 32:18

Nɛ e kaŋɛ mo: “B la fo Isɔɔ be kenya Jeekɔb peya nna nɛ e kaŋɛ fanɛ an ta m bar fo. Ama mo ere wɔ kaman a ba.”

Jɛnesis 40:12

Ndoŋ nna nɛ Josɛf kaŋɛ mo: “Fo edare na be kifito nde. Ayabi asa na la nchɛ asa nna.

1 Bewura 18:7

Obadaya ka bee yɔ nɛ e ya tu anebi Elaija ekpa to m pin mo, nseŋ jɔŋɛ m bunyaŋ mo m bishi mo le: “N nyɛnpe Elaija, fo nde a?”

Ɛksodɔs 32:32

Jande ta bumo be alubi m paŋ bumo, nɛ loŋ maaŋ tiŋ n wora, kumo ere fo lara ma ketre ashi kawɔl nɛ fo sibɛ fo basa be atre n wɔtɔ na to.”

Jɛremaya 29:7

Men baa kule Ebɔrɛ a fin kayurwushi a sa Babilɔn be efuli na nsaa shuŋ ga ashi ndeana na to nɛ asheŋ e baa nite nɛnɛ amo to. Nɛ asheŋ bee nite nɛnɛ ndeana na to, asheŋ beeŋ nyalɛ n sa menyi alɛ gba.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Danɛl 1:7

Ewura be lambu to be benimuana na be ejuŋkparpo na daŋ sa bumo atre popɔr nna. Danɛl e daa la Bɛlteshaaza nɛ Hananiya la Shaadrak nɛ Mishaal la Mɛshaak, nɛ Azariya malɛ la Abedneego.

Danɛl 2:26

Nɛ ewura na kaŋɛ Danɛl nɛ mbe Babilɔn be ketre la Bɛlteshaaza na le: “Feeŋ tiŋ ŋ kaŋɛ ma edare nɛ ŋ ku na nɛ kumo be kifito a?”

Danɛl 2:37

Yiramu, fo e la bewura kikɛ to be ewurgboŋ. Ebɔrɛ nɛ e wɔ esoso na malɛ e ta fo ŋ ki ewurgboŋ nseŋ ta eleŋ nɛ bunyaŋ n sa fo.

Danɛl 4:24

Yiramu, edare na bee ŋini nna fanɛ Enyɛnpetale Ebɔrɛ na e yili kumo fanɛ le be asheŋ beeŋ tu fo.

Danɛl 5:12

E kɔ kenyi nɛ nfɛra ga nsaa kɔ kanyiasheŋ a tiŋ a kute edareana be afito, nsaa sa asheŋ bishiso kpakpaso gba be atuwebi. E bee tiŋ a bugi alemaŋkarsheŋ be ewulo to. Amoso shuŋi n tre le be kanyɛn ere. Mo e la Danɛl nɛ ewura na daŋ sa mo ketre Bɛlteshaaza na. E beeŋ kaŋɛ fo le be asheŋ ere kikɛ be afito.”

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 7:15

Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

1 Samuɛl 1:15

Nɛ Haana kaŋɛ le: “N nyɛnpe, m maŋ boo nna! M maŋ la esa nɛ mee nuu nsa. Kagbenejija nɛ kabɔltoduŋi e tɔr ma so nɛ mee kaŋɛ Enyɛnpe Ebɔrɛ ma etɔrɔsheŋ.

1 Samuɛl 24:8

K maŋ chɛr ko nɛ Deevid malɛ gba lar kebeelaŋ na to nseŋ yili kufɔ m ponte ŋ tre: “Yiramu!” Sɔɔl ka gbɛ ŋ keni, nɛ Deevid jɔŋɛ bunyanso

1 Samuɛl 26:15

Nɛ Deevid malɛ shuli so ŋ kaŋɛ le: “Mannɛ fo nɛ basa bee kaŋɛ Israɛl be efuli so kikɛ fanɛ fo e kɔ kenyɛn ga na a? Nɛ manɛ e ba nɛ fo maa kuŋ fo nyɛnpe nɛ fo ewura? Naniere nɛ esa ko yɔ menyi be keeyi to nɛ e ya mɔ fo nyɛnpe na.

1 Samuɛl 3:17

Nɛ Eli bishi mo le: “Manɛ nɛ Enyɛnpe Ebɔrɛ kaŋɛ fo? Sa maŋ ta shɛŋ ŋ ŋana ma so. Nɛ fo baa maŋ kaŋɛ ma kusɔ kama nɛ Enyɛnpe Ebɔrɛ na kaŋɛ fo, e beeŋ bar kasogberge gboŋgboŋi fo so,”