Danɛl 4:18 - EBƆRƐ BE KAWƆL

¹⁸ Edare nɛ ma ewura Nebukadneeza ku na nna na. Bɛlteshaaza, kaŋɛ ma kumo be kifito, ŋkpal manɛ so ma benyiashempo kikɛ maŋ tiŋ ŋ kaŋɛ ma kumo be kifito, ama n nyi fo ere ka beeŋ tiŋ. Ŋkpal manɛ so, agbir cheembi na be kiyoyu wɔ fo to.’ ”

Danɛl 4:18 ပူးပေါင်းရင်းမြစ်များ

Jɛnesis 40:12

Ndoŋ nna nɛ Josɛf kaŋɛ mo: “Fo edare na be kifito nde. Ayabi asa na la nchɛ asa nna.

Jɛnesis 41:15

Ndoŋ nna nɛ Fɛɛro kaŋɛ Josɛf le: “Ŋ ku edare nna nɛ ekama pin kumo be kifito ŋ gben. Ma alɛ nu b ka kaŋɛ fanɛ fee tiŋ a kute edare be afito.”

Jɛnesis 41:8

Kare ka chɛ nɛ mbe kagbene jija mo ga nɛ e shuŋi n tre mbe efuli so be belejipoana kikɛ nɛ Ijipt be benyiashempo kikɛ m ba kaŋɛ bumo mbe edareana na, ama bumo be ekama daa maŋ tiŋ ŋ kaŋɛ mo edareana na be afito.

Aizaaya 19:3

Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Danɛl 2:7

Nɛ b naŋ kaŋɛ: “Yiramu! Nɛ fo kaŋɛ anyi fo edare na bre, anyi alɛ beeŋ kaŋɛ fo kumo be kifito.”

Danɛl 5:15

B daŋ bar benyiashempo nɛ ŋkilgiwuraana kikɛ nna fanɛ b ba kraŋ kasibɛ ere nseŋ kute kumo be kifito n sa ma, ama b maŋ tiŋ m pin kumo be kifito ŋ kute.

Danɛl 5:8

Nɛ Ewura na be benyiashempo na kikɛ lar m ba kraŋ kasibɛ na ŋ gben. Amoso b maŋ tiŋ m pin kumo be kifito.

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.