Danɛl 4:17 - EBƆRƐ BE KAWƆL

¹⁷ Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:17 ပူးပေါင်းရင်းမြစ်များ

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

2 Kronikɛls 28:22

Ewura Ahaz ka luri etɔrɔ damta ere to be kaman, nɛ e naaŋ wora alubi ŋ gbiti Enyɛnpe Ebɔrɛ na ga a chɔ sososo na gba.

Nshɛ 103:19

Ebɔrɛ taŋɛ mbe kuwurji ebɔrɛso nna, mo alɛ nsaa ji kuwura asɔ toso kikɛ so.

Nshɛ 12:8

Belubiworapo bee feŋ ŋgbene a nite kamoowuso nna; a kpaŋ bumo be asheŋ woraso nsaa keni asɔ nɛ a daga kemaŋkura jiga.

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 6:3

Bumo alɛ daa ponte awɔrso nna a shoŋi abar a kaŋɛ le: “Enyɛnpetale Ebɔrɛ na nawule e du cheembi! Mbe kemaŋkura e bɔlɔ durnya kikɛ nyam to.”

Aizaaya 6:8

Kede be kaman nɛ n nu Enyɛnpe Ebɔrɛ na ka kaŋɛ le: “Wanɛ nɛ meeŋ shuŋi? Wanɛ e naaŋ baa la anyi be kabɔ?” Nɛ n shuli ŋ kaŋɛ: “Meeŋ yɔ! Shuŋi ma!”

Ezikɛl 25:17

Meeŋ gberge bumo kusoe kenishipereso nseŋ wora n tal bumo to nɛ b pin kananɛ ma agbo gboŋ du nɛ b pin fanɛ ma, e la Enyɛnpe Ebɔrɛ na.”

Ezikɛl 7:24

Ma alɛ beeŋ shin nɛ efuliana nɛ b lubi a chɔ bekama na e ba sɔ bumo be nwu kikɛ. Kumo be kaman, nɛ n shin nɛ benapo lempo nɛ baa puchi so na e pɔ aba, ŋkpal efuliana ka beeŋ jija bumo be kabɔrɛshuŋ be mboŋ so.

Danɛl 11:21

Le nɛ malaika na kraŋ naŋ kaŋɛ: “Ewura nɛ e beeŋ naŋ ba ji Siriya be efuli so be kuwura na beeŋ baa la esa lubi ga. Mo alɛ maaŋ shi kuwurji be kanaŋ to. Kebirkɔnshi be ekpa so nɛ e beeŋ bɔla so n ta kena m ba purgi basa ŋ kɔ n sɔ eleŋ.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 4:2

K wora ma ebel ga ŋ ka bee shin nɛ ŋ kaŋɛ menyi asheŋ tumase nɛ emamachisheŋ nɛ Enyɛnpetale wora n sa ma.

Danɛl 4:25

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to. Nfɛ shunu nɛ fo wɔtɔ e ji afitiri fanɛ kena nseŋ naa dese kowu nɛ bunyaŋ e baa tɔr fo so. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

1 Kɔrintebi 1:28

E lara durnya ere to be asɔ bɔlpo nna nɛ asɔ nɛ basa bee keni jiga na nna nɛ asɔ nɛ a maŋ la shɛŋ na, saŋɛ na so e beeŋ ta durnya ere to be asɔ lela na ŋ ki asɔ fuloŋ

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.

Kelaraŋŋini 4:8

Asɔbɔya keniso ana na be kekama daa kɔ atɛ ashe nna nɛ anishi malɛ sɔ bumo be eyurana kikɛ so hale bumo be atɛana to kikɛ. Kapa nɛ kanyɛ b daa maa lo to kikɛ, b daŋ baa boŋ le nna: “Enyɛnpetale Ebɔrɛ e la cheembi cheembi cheembi. Mo e daa wɔtɔ nseŋ kraa wɔtɔ ŋkeŋ naa ba na.”

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.