Danɛl 4:13 - EBƆRƐ BE KAWƆL

¹³ Ŋ ka bee fɛ bɔrɛdare nɛ ŋ ku na be asheŋ, nɛ n wu malaika ko ka shi Ebɔrɛso ŋ gbelge to a ba,

Danɛl 4:13 ပူးပေါင်းရင်းမြစ်များ

Job be kawɔl 12:24

Mo e naa shin nɛ efuliana na bewuraana bee ki bewulpo, nsaa mel to a nite keshishɛrsawule nɛ akpaana maŋ wɔ so na.

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Danɛl 4:10

Ŋ ka bee di nɛ ŋ ku bɔrɛdare n wu kedibi gboŋgboŋi ko ka yil durnya kikɛ be nferinto.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:23

Yiramu, fo ka wu malaika na ka shi esoso ŋ gbelge to a ba na, le nɛ e daŋ kaŋɛ: ‘Ku kedibi na n lɛ nseŋ kpele kumo to cheche ama ta kebɛlso nɛ danyaŋ be ŋgbɛlɛbi m mɛa kumo be keyimu so n yige kumo kasawule to nɛ k baa wɔ kupuŋ to. Shin nɛ bunyaŋ e shi esoso m ba tɔr kanyɛn nɛ e du fanɛ kedibi ere na so, nseŋ shin nɛ mo nɛ asɔbɔya e baa wɔ kupuŋ to n ya fo nfɛnshunu.’

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Danɛl 7:1

Bɛlshaaza ka ji Babilɔn be kuwura be kafɛ sososo to nɛ ma Danɛl dese kanyɛso ŋ ku bɔrɛdare nseŋ sibɛ kumo n nase.

Danɛl 7:17

E yɛ: “Asɔbɔya gboŋgboŋi ana na yili nna a sa kuwurjigboŋ ana nɛ a beeŋ ba durnya ere to kachako so.

Danɛl 7:23

Kananɛ e daŋ bugi kumo to ŋ kaŋɛ ma nde: “Kusɔbɔya nasopo na yili nna a sa kuwurjigboŋ nasopo nɛ k beeŋ ba durnya ere to m ba kaa kɔr kuwurji kikɛ to. K beeŋ chichi durnya ere kikɛ so m buri kumo to cheche.

Danɛl 8:13

Kumo be kaman nɛ n nu Ebɔrɛ be emalaika na be eko ka bee bishi mo barkasa le: “Nchɛ afanɛ nɛ asɔ nɛ b wu bɔrɛdare ere to ere beeŋ ji n ya fo? Nchɛ afanɛ nɛ le be alubisheŋ nɛ a maŋ walɛ kekeni ere beeŋ sɔ karechɛ kama be esarga be kelara ere be kakpa? Alɛ fanɛ nɛ baaŋ chichi n chichi ebɔrɛso be benapo na nɛ bɔrɛlambu na so?”

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Maak 1:24

“Nazarɛt be Yesu, manɛ nɛ fee fin anyi kutɔ? Fo ba nna nɛ fo ba mur anyi a? N nyi fo! Fo e la Ebɔrɛ be Esa cheembi na.”

Luuk 4:34

“Hei, Nazarɛt be Yesu manɛ nɛ fee fin anyi kutɔ? Fo ba nna nɛ fo ba mur anyi a? N nyi fo. Fo e la Ebɔrɛ be Esa cheembi na!”

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.