Danɛl 4:1 - EBƆRƐ BE KAWƆL

¹ Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 4:1 ပူးပေါင်းရင်းမြစ်များ

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

Ɛzra 4:17

Ndoŋ nna nɛ ewura na malɛ ta ebɔl ere n shoŋi bumo. E yɛ: “Ebɔl ere shi ma, ewurgboŋ Atazɛzɛs, kutɔ nna a yɔ Rehum, nɛ e la gomena nɛ Shimshayi, nɛ mo alɛ la efuli na so be esibɛpo na nɛ bumo braana nɛ b wɔ Samɛria nɛ Yufreetes be epeŋitɔrkpa be kasawule so na kikɛ kutɔ. Ma kechɔrɔ nde!”

Ɛzra 5:7

“Yiramu, anyi be bunyaŋ be kechɔrɔ nde!

Ɛsta 3:12

Amoso kufɔl sososo na to be kachɛ kuduasasopo na nɛ Heman tre ewura na be nwɔlsibɛpoana na ŋ kaŋɛ bumo fanɛ b kilgi mbe mbra nɛ e nase na n wɔtɔ bumo be efuli na so be ŋgbarana nɛ nsibɛ be yiriana to n chige to n sa bewurbi nɛ benimu nɛ ekrachiana nɛ b wɔ efuli na so na kikɛ. Ewura Sɛgsis be ketre so nɛ b daŋ bɔla n sibɛ nwɔl na nseŋ ta mbe kepinibi n dulgi amo.

Ɛsta 8:9

Kufɔl sasopo nɛ baa tre Sivan na be nchɛ adunyɔ nɛ asa nɛ b shɛr ewurkpa be nwɔlsibɛpoana na epul to, nɛ Mɔdikaya malga nɛ b sibɛ nwɔl n sa Juwebi na nɛ bejuŋkparpo nɛ ekrachiana nɛ benimuana nɛ b wɔ efuli na be abonfu kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na. Efuli kama so ebi be ŋgbar to nɛ Juwebi be ŋgbar to nɛ b daŋ sibɛ nwɔl na n sa bumo.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Danɛl 3:4

nɛ esa nɛ e bee sa kubɔya na koso ŋ kaŋɛ awɔrso le: “Menyi eyiriana nɛ men shi efuliana kikɛ so e nu ewura be mbra ere!

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Ashuŋ Shunso 2:6

B ka nu awɔr na nɛ jimaŋ damta ko shɛr ndoŋ. K daŋ chinchiŋ bumo kikɛ ga ŋkpal bumo be ekama ka nu beyirdapoana na ka bee gbar bumo be ŋgbar so.

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Ɛfesesebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

1 Timoti 1:2

a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.