Danɛl 3:6 - EBƆRƐ BE KAWƆL

⁶ Ekama nɛ e kini k jɔŋɛ m bunyaŋ kumo, baaŋ ta mo epul na to n ya lɛ edɛ be kemaŋ chiŋgeliŋ nɛ edɛ bee chɔ wuloŋ wuloŋ nsaa tushi ga na to.”

Danɛl 3:6 ပူးပေါင်းရင်းမြစ်များ

Jɛnesis 19:28

n ya yili ndoŋ ŋ keni Sodɔm nɛ Gomɔra nɛ ketaŋɛ na to kikɛ be kaba so n wu edishi ka bee kaa kululu kasawule na so fanɛ kananɛ kupuŋ bee chɔɔ nɛ edishi bee lar na.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Aizaaya 44:17

Ade be kaman nɛ e ta ndibi nɛ a ka na n lɔŋɛ agbir nseŋ ya gbir m bunyaŋ kumo ŋ kaŋɛ: “Fo e la ma ebɔrɛ, mɔlga ma!”

Danɛl 2:5

Nɛ ewura na kaŋɛ bumo le: “Kusɔ nɛ n yili e la fanɛ, men pin ma edare nɛ ŋ ku na, nseŋ kaŋɛ ma kumo be kifito gba n ti so. Nɛ men baa maŋ tiŋ n wora loŋ, meeŋ shin nɛ b kuya menyi to fanɛ mblaŋkul nseŋ shin nɛ b bure menyi be elaŋana malɛ gba cheche.

Danɛl 3:11

Ama esa kama nɛ e kini kejɔŋɛ m bunyaŋ kumo bre daga b ka ta mo nna n ya lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 3:21

Nɛ b kre bumo nɛ bumo be nle nɛ epiŋi tenteŋ nɛ eneemu n ya lɛ edɛ na to.

Danɛl 3:7

Amoso eyiriana nɛ b shi efuli kikɛ so na ka nu alaŋsɔ be kushu nɛ b jɔŋɛ m bunyaŋ shuwa be kapɔrduli nɛ ewura Nebukadneeza pɔr n yili na.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 6:7

Anyi nɛ an la egomena nɛ besoetojipoana nɛ benimu nɛ b ka na kikɛ shuli so n wora kɔnɔkoŋwule nna fanɛ, Yiramu, fo wora mbra kpakpaso fanɛ nchɛ adesa, esa kikɛ e sa maŋ kule shɛŋ ashi kegbir kikɛ, ŋko dimɛdi kikɛ kutɔ, ama fo nawule. Kumo be kaman nɛ fo shin nɛ loŋ be mbra na a shuŋ kenishipereso. Esa kama nɛ e beeŋ kini kebɛ le be mbra ere so daga fanɛ b ta mo n lɛ ebuluŋ be kemaŋ to.

Matiu 13:42

n lɛ edɛ wuloŋwuloŋ to. Ndoŋ nɛ basa wɔtɔ a shu nsaa we anyi to na.

Matiu 13:50

Ndoŋ nɛ basa wɔtɔ a shu nsaa we anyi to na.”

Matiu 4:9

nseŋ kaŋɛ mo le: “Nɛ fo baŋ gbir m bunyaŋ ma, meeŋ ta asɔ ere kikɛ nyam n sa fo.”

Maak 6:27

Epul na to nɛ e shuŋi mbɔŋwura fanɛ e ya bar Jɔn be kumu.

Kelaraŋŋini 14:11

Edɛ mo nɛ a bee sa bumo ebesa na be edishi baa wɔtɔ nna mbaanaayɔ. Kapa nɛ kanyɛ bumo nɛ baa maŋ kusɔbɔya na nɛ mbe kaduli na so ŋko ekama nɛ e nya mbe ketre be lamba na daa maa kɔ ewushi kikɛ.”

Kelaraŋŋini 9:2

Kechɛkpabi na ka bugi kemaŋ nɛ k maŋ kɔ ekar na nɛ edishi lar fanɛ a ka shi edɛgboŋ ko to na. Nɛ epeŋi nɛ awɔlpa kikɛ biri to ŋkpal edishi mo nɛ a shi kemaŋ na to so.