Danɛl 3:29 - EBƆRƐ BE KAWƆL

²⁹ Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Danɛl 3:29 ပူးပေါင်းရင်းမြစ်များ

2 Bewura 10:27

Kumo be kaman nɛ b bure kegbir na be kapɔrduli na nɛ kegbirlambu na gba nseŋ ta ndoŋ ŋ kilgi dɔshia. Loŋ be kakpa na kraa wɔtɔ hale kabre.

Ɛzra 6:11

Ma, ewura, bee yili kumo nna fanɛ esa kama nɛ e chɛrga ma kamalga ere, meeŋ shin nɛ b pee mbe ebu be keyɔri nseŋ shɛl kumo n da mo n futi m bɔl. Kumo be kaman nɛ b bure mbe kowu na kikɛ nɛ k ki kelambure.

Nshɛ 3:8

Kekuŋ shi Enyɛnpe Ebɔrɛ kutɔ nna. Enyɛnpe nɛfa fo basa.

Nshɛ 76:10

Kashenteŋto nɛ fo baŋ nya agbo, basa nɛ b nya agbo n wɔtɔ fo gba bee kpaŋ fo nna.

Danɛl 1:19

Ewura na ka malga bumo kikɛ kutɔ nɛ e wu fanɛ Danɛl nɛ Hananiya nɛ Mishaal nɛ Azariya be asheŋ e bɔlɔ mo kenishi ga a chɔ bumo nɛ b ka na kikɛ. Amoso bumo e daŋ ki ewurkpa be beshumpo.

Danɛl 1:7

Ewura be lambu to be benimuana na be ejuŋkparpo na daŋ sa bumo atre popɔr nna. Danɛl e daa la Bɛlteshaaza nɛ Hananiya la Shaadrak nɛ Mishaal la Mɛshaak, nɛ Azariya malɛ la Abedneego.

Danɛl 2:17

Kumo be kaman nɛ Danɛl yɔ epe n ya kaŋɛ mo teriana, Hananiya nɛ Mishaal nɛ Azariya kusɔ nɛ k wora.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 2:49

Nɛ Danɛl kule ewura na fanɛ e shin nɛ Shaadrak nɛ Mɛshaak nɛ Abedneego e ki kakpa nɛ e bee keni so na be ekrachigboŋ, nɛ mo alɛ Danɛl e baa wɔ ewurkpa nawule.

Danɛl 2:5

Nɛ ewura na kaŋɛ bumo le: “Kusɔ nɛ n yili e la fanɛ, men pin ma edare nɛ ŋ ku na, nseŋ kaŋɛ ma kumo be kifito gba n ti so. Nɛ men baa maŋ tiŋ n wora loŋ, meeŋ shin nɛ b kuya menyi to fanɛ mblaŋkul nseŋ shin nɛ b bure menyi be elaŋana malɛ gba cheche.

Danɛl 3:12

Juw be basa asa nɛ baa tre, Shaadrak nɛ Mɛshaak nɛ Abedneego, nɛ fo lara fanɛ b baa keni Babilɔn be kebonfu so na, bre kini kenu n sa fo. B maa shuŋ fo agbir, ŋko a jɔŋɛ a bunyaŋ kapɔrduli nɛ fo pɔr na.”

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:28

Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.

Ditɛronɔmi 32:31

Bumo doŋana na baa nyi fanɛ bumo be agbirana maŋ kɔ eleŋ; agbirana na be eleŋ maŋ fo Israɛl be Ebɔrɛ peya so.