Danɛl 3:27 - EBƆRƐ BE KAWƆL

²⁷ Nɛ ewura na be benimuana na nɛ gomena be benimuana na ba kulti mbrantiɛbia asa na n wɔtɔ, nseŋ wu fanɛ edɛ na daa maŋ wora bumo shɛŋ. Bumo be emin koŋwule gba daa maŋ chɔɔ. Bumo be epiŋi malɛ gba maŋ chɔɔ. Bumo be ekama malɛ daa maa dufɛ edishi gba.

Danɛl 3:27 ပူးပေါင်းရင်းမြစ်များ

1 Bewura 13:28

nɛ e dii kurma na m bɛ so n ya wu kanyɛn na be kebuni na ka dese kubɔrbi so nɛ kurma na nɛ buluŋ na yil kumo ase. Buluŋ na daa maŋ we kebuni na, kumo alɛ daa maŋ pɛ kurma na gba.

2 Bewura 19:19

Ama fo Enyɛnpe e la anyi be Ebɔrɛ! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so ekama nɛ e wɔ durnya to be efuli kama so beeŋ pin fanɛ fo nawule e la Ebɔrɛ.”

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Danɛl 3:21

Nɛ b kre bumo nɛ bumo be nle nɛ epiŋi tenteŋ nɛ eneemu n ya lɛ edɛ na to.

Danɛl 6:23

Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so.

Danɛl 6:7

Anyi nɛ an la egomena nɛ besoetojipoana nɛ benimu nɛ b ka na kikɛ shuli so n wora kɔnɔkoŋwule nna fanɛ, Yiramu, fo wora mbra kpakpaso fanɛ nchɛ adesa, esa kikɛ e sa maŋ kule shɛŋ ashi kegbir kikɛ, ŋko dimɛdi kikɛ kutɔ, ama fo nawule. Kumo be kaman nɛ fo shin nɛ loŋ be mbra na a shuŋ kenishipereso. Esa kama nɛ e beeŋ kini kebɛ le be mbra ere so daga fanɛ b ta mo n lɛ ebuluŋ be kemaŋ to.

Matiu 10:30

Ama menyi ere, Ebɔrɛ nyi kananɛ men be emin gba sa.

Ashuŋ Shunso 26:26

Ewura Agripa, n tiŋ n ta kenyɛn m malga fo kutɔ nna ŋkpal fo ka nyi asheŋ ere kikɛ so. Ma alɛ bee tama fanɛ fo ta asheŋ na be kekama n wɔtɔ fo kagbene to, ŋkpal manɛ so, asheŋ na daa maŋ wora ŋ ŋana.

Ashuŋ Shunso 27:34

Jande men ji ajibi n nya eleŋ m mɔlga menyi gbagba be amu. Menyi be ekama maaŋ paŋ mbe kemin koŋwule gba.”

Hibruwebi 11:34

B daa la bepɔshipo nna, ama b daŋ ki belempo. B daa kɔ eleŋ ashi kena to n daŋ tiŋ m pɔɔ befɔ be esoji so nɛ b shile n choŋ.