Danɛl 3:26 - EBƆRƐ BE KAWƆL

²⁶ Ndoŋ nna nɛ ewura Nebukadneeza firgi n taga edɛ wuloŋ wuloŋ na to m boŋ to n tre: “Shaadrak! Mɛshaak! Abedneego! Enyɛnpetale be nyɛrbi, men lar m ba!” Epul to nɛ b dii n lar edɛ be kemaŋ chiŋgeliŋ na to.

Danɛl 3:26 ပူးပေါင်းရင်းမြစ်များ

Jɛnesis 14:18

Ndoŋ nna nɛ Mɛlkizedɛk nɛ e daa la Salɛm be ewura nseŋ naa la Ebɔrɛ Ewurgboŋ na be bɔrɛmatapo na, ta bodobodo nɛ nsa ko m bar Eebram

1 Bewura 8:51

Fo basa gbagba e la bumo nɛ b daa ji awurfoŋ ga nɛ fo lara bumo ashi Ijipt be kasawule so na.

Ɛzra 5:11

Ama kusɔ nɛ b kaŋɛ nde: ‘Anyi ere la Ebɔrɛ nɛ esoso nɛ kasawule kikɛ la mo peya na be anya nna. Bɔrɛlambu nɛ Israɛl be ewurgboŋ ko daŋ pɔr nfɛ damta nɛ a choŋ na nɛ anyee lɔŋɛ a pɔr.

Nshɛ 66:12

Fo shin nɛ an doŋana pɔɔ anyi so nɛ an luri edɛ nɛ nchu to, ama fo bar anyi kasawule nɛ k kɔ asɔ damta so.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 52:12

Ama men sa maŋ kuse n lar ndoŋ. Ŋkpal manɛ so, esa kama maa ju a buu menyi so. Enyɛnpe menyi be Ebɔrɛ na e naaŋ baa juŋkpar menyi, nsaa kuŋ menyi kaba kama so ashi men doŋana be enɔ to.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 4:2

K wora ma ebel ga ŋ ka bee shin nɛ ŋ kaŋɛ menyi asheŋ tumase nɛ emamachisheŋ nɛ Enyɛnpetale wora n sa ma.

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Danɛl 6:21

Nɛ Danɛl kaŋɛ le: “Yiramu, Ebɔrɛ e shin nɛ fo ji kuwura ere n chɛr.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Ashuŋ Shunso 16:17

Ndoŋ nna nɛ e bɛ anyi nɛ Pɔɔl so a ponte a kaŋɛ: “Basa ere la Enyɛnpetale Ebɔrɛ be anya nna. Baa kaŋɛ menyi kananɛ menyeeŋ tiŋ n nya kumɔlga nna.”

Ashuŋ Shunso 16:37

Nɛ Pɔɔl kaŋɛ bepurshi na: “B maŋ ji anyi demu ŋ keni nseŋ shin nɛ b bri anyi basa to. Anyi alɛ la Rom be efuli so ebi nna. B ka bri anyi n loge nɛ b ta anyi n ti ebu nseŋ naa sha keŋana boeŋ n lara anyi a? Akai, loŋ maaŋ nya. A daga fanɛ bumo, Romebi be ekrachigboŋana na gbagba ka ba nfe m ba lara anyi.”

Ashuŋ Shunso 27:23

Ŋkpal manɛ so, ndre kanyɛso Ebɔrɛ nɛ e wɔ ma nɛ mee bunyaŋ mo na be malaika kaŋ ba ma kutɔ nna m ba kaŋɛ ma:

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Joshuwa 3:17

Bɔrɛmatapoana nɛ b sulɔ ŋkre be deka na daŋ yili kakpa wɔlso nna ashi Jɔɔdan be lɔr na be nferinto hale nɛ Israɛlebi na kikɛ nite kasawule wɔlso so n dii lɔr na n yɔ kumo be kaba ndoŋ.

Joshuwa 4:10

Bɔrɛmatapoana na sulɔ ŋkre be deka na nna a yil Jɔɔdan be lɔr na be nferinto hale nɛ basa na wora kusɔ kama nɛ Enyɛnpe Ebɔrɛ na kaŋɛ Joshuwa fanɛ b wora na. Loŋ nɛ Mosis gba daŋ kaŋɛ Joshuwa fanɛ e wora na. Basa na daŋ wora manaŋ nna n dii Jɔɔdan be lɔr na be kaba ndoŋ.

Kelaraŋŋini 19:5

Ndoŋ nna nɛ ebɔl shi kuwurputi na akpa ŋ kaŋɛ: “Menyi nɛ men la mbe anya na, men di an be Ebɔrɛ na epaŋ, menyi nɛ men ŋana mo na kikɛ, bewurbi nɛ begboŋi kikɛ, men di mo epaŋ.”