Danɛl 3:25 - EBƆRƐ BE KAWƆL

²⁵ Nɛ ewura naŋ kaŋɛ le: “Nɛ manɛ nna nɛ mee wu benyɛn ana ka na edɛ na to nɛ shɛŋ shɛŋ maŋ naŋ kre bumo be eyur, nɛ bumo be eyur malɛ maŋ chɔɔ, nɛ esa nasopo na du fanɛ Ebɔrɛ be malaika?”

Danɛl 3:25 ပူးပေါင်းရင်းမြစ်များ

Job be kawɔl 1:6

Kachako nɛ Ebɔrɛ be emalaika ba shɛr Enyɛnpe Ebɔrɛ na kutɔ ashi ebɔrɛso nɛ Setani gba ba ti bumo so ndoŋ.

Job be kawɔl 38:7

Loŋ be kachɛ na be kachipurdidi, achɛkpabi daa boŋ nshɛ nna, nɛ ebɔrɛso be emalaika kikɛ daa ji eyur.

Job be kawɔl 5:19

Saŋɛ kikɛ Ebɔrɛ beeŋ baa lara fo ashi etɔrɔ damta nɛ a bee bar fo kagbenejija ga ere kikɛ to.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Jɛremaya 1:8

Sa maa ŋana bumo, ŋkpal manɛ so, meeŋ baa wɔ fo kutɔ nsaa kuŋ fo. Ma, Enyɛnpe Ebɔrɛ e kaŋɛ na!”

Jɛremaya 15:21

Ma alɛ beeŋ kɔ n suge fo ashi kumu kpakpasowuraana nɛ b maa wu kuwɔr ere be enɔ to. Ma, Enyɛnpe Ebɔrɛ e kaŋɛ na.”

Danɛl 3:18

Ama, hale nɛ E maŋ mɔlga anyi gba Yiramu, anyi maaŋ shuŋ fo agbir, anyi alɛ maaŋ jɔŋɛ shuwa be kapɔrduli nɛ fo pɔr n yili na gba.”

Danɛl 3:24

Epul na to nɛ ewura Nebukadneeza kpa n niŋi to nseŋ bishi mbe benimuana le: “Mannɛ mbrantiɛbia asa nɛ an daŋ kre n ya lɛ edɛ wuloŋ wuloŋ na to na a?” Nɛ b kaŋɛ le: “Mm! Yiramu, loŋ gbagba nna.”

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Danɛl 6:23

Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so.

Maak 16:18

Baaŋ gbar ŋgbar nɛ b maa nu nɛ b pɛ awɔ ŋko n ji kɔrtɔ, a maaŋ wora bumo shɛŋ. Baaŋ ta bumo be enɔana n deŋi n deŋi belɔpoana so nɛ b nya alenfia.”

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Ashuŋ Shunso 28:5

Ama Pɔɔl tiŋ ŋ ŋmenyaŋ kuwɔ na n wɔtɔ edɛ na to nɛ k maŋ tiŋ n doro mo kikɛ.

Romebi 1:4

Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

1 Pita 3:13

Nɛ men baŋ pere kenishi a sha kelela be kebaawora, wanɛ e naaŋ tiŋ n tɔrɔ menyi?