Danɛl 2:9 - EBƆRƐ BE KAWƆL

⁹ fanɛ, nɛ men baa maŋ kaŋɛ ma edare nɛ ŋ ku na, meeŋ sa menyi kikɛ kasogberge koŋwule na so. Men wora kɔnɔkoŋwule nna a ku efɛ a fɛ fanɛ loŋ beeŋ shin nɛ asheŋ e chɛrga. Nɛ men baŋ kaŋɛ ma edare nɛ ŋ ku na, kumo ere m baa nyi fanɛ menyeeŋ tiŋ ŋ kaŋɛ ma kumo be kifito gba.”

Danɛl 2:9 ပူးပေါင်းရင်းမြစ်များ

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

Ɛsta 4:11

“Ewurkpa be mbra bee ŋini fanɛ esa kama nɛ e luri ewura kutɔ nɛ e maŋ tre mo, daga luwu. Ewura na be asoetojipoana nɛ mbe kasawule so be kaba kikɛ so ebi gba nyi kumo be loŋ. Ama ewura na baaŋ teŋi mbe shuwa be kuwurkpabi na nna ŋ shoŋi esa na. Loŋ bre, b maaŋ mɔ mo. Amoso k beeŋ baa du kpakpa n sa ma nɛ n wu ewura na ŋkpal manɛ so kufɔl lelemu nna na e ka maŋ shuŋi n tre ma.”

Aŋasa 12:19

Efɛ maa chɛr nsaa fo ekar, ama kashenteŋ bre wɔtɔ nna mbaanaayɔ.

Aizaaya 41:23

Men naŋ kaŋɛ anyi asheŋ nɛ a beeŋ wora echefoso, aloŋ nɛ anyeeŋ pin fanɛ men la agbirana kashenteŋto! Men wora kesheŋ lela ko ŋko alemaŋkarsheŋ ko, n shin nɛ kufu e pɛ anyi nɛ kɔnɔ e mɔ anyi.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Ezikɛl 13:17

Ade be kaman nɛ Enyɛnpe Ebɔrɛ na naŋ kaŋɛ ma: “Naniere, dimɛdi pibi, kilgi fo anishi n yuu Israɛl be beche nɛ baa bɔla bumo gbagba be aparsheŋ so a wu asheŋ a kaŋɛ na so. Malga ŋ gbiti bumo

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Ezikɛl 13:6

Bumo be ebɔrɛdare nɛ baa ku na kikɛ maŋ la kashenteŋ. Bumo be asheŋ nɛ baa kaŋɛ fanɛ a beeŋ wora na kikɛ la efɛ nna. Baa kaŋɛ nna fanɛ ma kubɔya nɛ baa malga, ama ma alɛ maaŋ shuŋi bumo. Amo nɛ amo kikɛ, baa sha fanɛ bumo be mmalga e baa la kashenteŋ nna.

Danɛl 2:16

Epul na to nɛ Danɛl ya kule ewura na fanɛ b sa bumo saŋɛ gbrɛbi, nɛ e kaŋɛ mo edare na be kifito.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 2:8

Nɛ ewura na kaŋɛ le: “Men kute nna a jija saŋɛ ŋkpal men ka tea nyi ŋ ka yili ma nfɛra

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 5:28

Kebarga to na malɛ bee ŋini nna fanɛ b barga fo kuwurji na to n sa Mɛdiebi nɛ Pɛshiyaebi.”

Danɛl 5:31

Ndoŋ nna nɛ Dairus nɛ e shi Mɛdi be efuli so nseŋ ji nfɛ adeshe nɛ anyɔ na ki Babilɔn be ewura.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.