Danɛl 2:5 - EBƆRƐ BE KAWƆL

⁵ Nɛ ewura na kaŋɛ bumo le: “Kusɔ nɛ n yili e la fanɛ, men pin ma edare nɛ ŋ ku na, nseŋ kaŋɛ ma kumo be kifito gba n ti so. Nɛ men baa maŋ tiŋ n wora loŋ, meeŋ shin nɛ b kuya menyi to fanɛ mblaŋkul nseŋ shin nɛ b bure menyi be elaŋana malɛ gba cheche.

Danɛl 2:5 ပူးပေါင်းရင်းမြစ်များ

2 Bewura 10:27

Kumo be kaman nɛ b bure kegbir na be kapɔrduli na nɛ kegbirlambu na gba nseŋ ta ndoŋ ŋ kilgi dɔshia. Loŋ be kakpa na kraa wɔtɔ hale kabre.

Ɛzra 6:11

Ma, ewura, bee yili kumo nna fanɛ esa kama nɛ e chɛrga ma kamalga ere, meeŋ shin nɛ b pee mbe ebu be keyɔri nseŋ shɛl kumo n da mo n futi m bɔl. Kumo be kaman nɛ b bure mbe kowu na kikɛ nɛ k ki kelambure.

Nshɛ 50:22

Men kplaŋ ma so, amoso men kaŋ kusoe n nu nfe, nɛ mannɛ aloŋ meeŋ mur menyi nɛ esa kama maaŋ chɛ menyi to.

Nshɛ 58:7

Shin nɛ b foe fanɛ kabombi to be nchu ka wɔlto na. B baŋ gberge bumo be ata to, fo shin nɛ atanyembi na be nnɔ e gbel.

Danɛl 2:12

Nɛ kumo be loŋ shin nɛ agbo pɛ ewura na alegaiso hale nɛ e ponte ŋ kaŋɛ fanɛ b mɔ benyiashempo nɛ b wɔ Babilɔn be efuli so na kikɛ.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Danɛl 4:9

nseŋ kaŋɛ le: Bɛlteshaaza nɛ fo la belejipoana na kikɛ be ewura, n nyi agbir cheembi na be kiyoyu ka wɔ fo to nɛ fee tiŋ a pin alemaŋkarsheŋ kikɛ be afito. Ma edare nde. Kaŋɛ ma kumo be kifito.

Ditɛronɔmi 13:16

Kumo be kaman nɛ men chala basa na be asɔ kikɛ ashi kade na be kelɔnɛ so nseŋ chɔɔ amo nɛ kade na nɛ kusɔ kama nɛ k wɔ kumo to fanɛ sarga n sa Enyɛnpe menyi be Ebɔrɛ na. A daga k dese alambure loŋ nɛ b sa maŋ naŋ lɔŋɛ kumo m pɔr kikɛ hale mbaanaayɔ.

Joshuwa 6:26

Loŋ be jemanɛ na nɛ Joshuwa daŋ fiɛ basa na so ŋ kaŋɛ le: “Enyɛnpe Ebɔrɛ e sho ekama nɛ e beeŋ naŋ laŋɛ n ya pɔr Jɛriko be kade ere kɔnɔ. Ekama malɛ nɛ e beeŋ naŋ ya fara a pɔr kumo be gbaltɔlase beeŋ paŋ mbe wurkoŋnyɛn. Ekama malɛ nɛ e beeŋ lɔŋɛ kumo be mbunagboŋana na m pɔr beeŋ paŋ mbe kaluge.”

1 Samuɛl 15:33

Ndoŋ nna nɛ Samuɛl kaŋɛ Agag le: “Fo e naa suge mbiwurbi bumo nioana kutɔ a mɔ nɛ baa paŋ mbia na. Fo nio gba beeŋ paŋ ebi naniere kikɛ.” Ndoŋ nna nɛ Samuɛl mɔ Agag nseŋ ŋele mo to fanɛ mblaŋkul bɔrɛsure na ase ashi Gilgaal.