Danɛl 2:48 - EBƆRƐ BE KAWƆL

⁴⁸ Kumo be kaman nɛ ewura na sa Danɛl kenimu nɛ ŋkɛ lela damta nseŋ ta Babilɔn be kade nɛ nde nɛ a kulti kumo na kikɛ n sa mo fanɛ e baa keni so. Nseŋ naŋ shin nɛ e ki ewurkpa be besoetojipoana na kikɛ be enimu.

Danɛl 2:48 ပူးပေါင်းရင်းမြစ်များ

2 Samuɛl 19:32

Bazilai daa la enyɛnnimu nna nseŋ ji fanɛ nfɛ aduburwa. E daa la damawura nna, nseŋ daa sa ewura na ajibi saŋɛ nɛ e daa wɔ Mahanaim na.

2 Bewura 5:1

Kanyɛn ko e daa wɔtɔ nɛ baa tre mo Neeman nɛ e daa la Siriya be benapo be enimu, nɛ Siriya be ewura daa sa mo bunyaŋ ga; ŋkpal Enyɛnpe Ebɔrɛ ka daŋ bɔla mo so n shin nɛ Siriyaebi be benapo daŋ kɔ m pɔɔ bumo doŋana so so. E daa nyi kena be kekɔ a chɔ ekama ama mo alɛ daa lɔ keboti nna.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Danɛl 2:6

Ama nɛ men baŋ tiŋ ŋ kaŋɛ ma edare na nɛ kumo be kifito bre, meeŋ sa menyi ŋkɛ damta nseŋ shin nɛ men nya kemaŋkuragboŋ. Amoso men kaŋɛ ma edare na nɛ kumo be kifito kikɛ.”

Danɛl 3:1

Ewura Nebukadneeza daŋ shin nna nɛ b pɔr shuwa be kapɔrduli nɛ kumo be jeŋgreŋ sa fanɛ ayadra adekpanu nɛ kumo be pentren malɛ sa fanɛ ayadra akpanu. E daŋ shin nna nɛ b pɔr kumo n yili Dura be kepreŋsawule so ashi Babilɔn be kade na be ekarso.

Danɛl 3:12

Juw be basa asa nɛ baa tre, Shaadrak nɛ Mɛshaak nɛ Abedneego, nɛ fo lara fanɛ b baa keni Babilɔn be kebonfu so na, bre kini kenu n sa fo. B maa shuŋ fo agbir, ŋko a jɔŋɛ a bunyaŋ kapɔrduli nɛ fo pɔr na.”

Danɛl 3:30

Kumo be kaman nɛ ewura na naŋ daŋɛ Shaadrak nɛ Mɛshaak nɛ Abedneego so kenimu ashi Babilɔn be kebonfu na to.

Danɛl 4:6

Ndoŋ nna nɛ m ponte n tre Babilɔn be benyiashempo kikɛ fanɛ b ba kaŋɛ ma edare na be kifito.

Danɛl 4:9

nseŋ kaŋɛ le: Bɛlteshaaza nɛ fo la belejipoana na kikɛ be ewura, n nyi agbir cheembi na be kiyoyu ka wɔ fo to nɛ fee tiŋ a pin alemaŋkarsheŋ kikɛ be afito. Ma edare nde. Kaŋɛ ma kumo be kifito.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Danɛl 5:29

Epul na to nɛ ewura Bɛlshaaza ponte ŋ kaŋɛ mbe nyɛrbi fanɛ b ta awurpiŋi peper kunɔkunɔ m ba mɛa Danɛl to, nseŋ ta shuwa be jaagba n di mbe kubɔto. Nseŋ ta mo ŋ ki esa sasopo nɛ e bɛ mo so ashi mbe kuwura to.

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Nɔmbɛs 24:11

Lar nfe naniere kikɛ n yɔ epe! N daŋ nase kɔnɔ nna fanɛ meeŋ ka fo kukɔ nɛnɛ ama Enyɛnpe Ebɔrɛ na kuŋ kumo be loŋ be ekpa na.”

1 Samuɛl 17:25

Ndoŋ nna nɛ b kaŋɛ abar le: “Men keni, kananɛ kanyɛn ere bee ba kaa to anyi emaŋ nsaa tege anyi. Esa kama nɛ e tiŋ m mɔ mo, ewura na beeŋ sa mo kakɛ gboŋ. E beeŋ ta mo pibiche n sa mo nɛ e kil nɛ mbe kanaŋ malɛ kikɛ gba maaŋ naŋ ka lampo kikɛ ashi Israɛl be efuli so.”

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.

1 Samuɛl 25:2

Kanyɛn ko malɛ daŋ shi Kalɛb be kanaŋ to nɛ baa tre mo Nabaal. E daŋ shi Mayɔn be kade to nna n daa kɔ mo gbagba be kasawule nɛ k dese m mata Kamɛl be kade to. E daa la damawura nna nsaa kɔ mbolpɔ ŋgboŋ asa nɛ mboe malɛ kagboŋ koŋwule. Mbe eche e daa la Abigɛl, nɛ e daa walɛ kebita ga nsaa nyi asheŋ; ama Nabaal bre daa kɔ miiri nna ga, mo alɛ nsaa nya agbo manaŋ manaŋ. Kamɛl be kade to nɛ Nabaal daa wɔ a kuya mbe mbolpɔ be afuibi,