Danɛl 2:45 - EBƆRƐ BE KAWƆL

⁴⁵ Fo wu kananɛ kejembu nɛ k maŋ shi dimɛdi be enɔ to shi esoso m ba ŋmɛa kapɔrduli nɛ b ta kebɛlso nɛ danyaŋ nɛ ebɔ nɛ gbiti nɛ shuwa n lɔŋɛ na. Yiramu, Ebɔrɛ lempo na bee kaŋɛ fo kusɔ nɛ k beeŋ wora kachako so nna na. Fo edare nɛ fo ku na nɛ kumo be kifito kikɛ nɛ ŋ kaŋɛ fo na.” Ewura na ka sa Danɛl kakɛ be asheŋ

Danɛl 2:45 ပူးပေါင်းရင်းမြစ်များ

Jɛnesis 41:26

Ana lela ashunu na la nfɛnshunu nna nɛ ayu be amu ashunu na malɛ gba la nfɛnshunu. Amo be afito la kukoŋwule nna, a maŋ kɔr abar to.

Jɛnesis 41:28

Ewura Fɛɛro, kumo nɛ n teŋ kaŋɛ fo na fanɛ kusɔ nɛ Ebɔrɛ bee shin nɛ e wora nɛ e lara ŋ ŋini fo na.

Jɛnesis 41:32

Ewura Fɛɛro, kusɔ nɛ k ba nɛ edare anyɔ na duli abar m ba fo kutɔ na e la fanɛ Ebɔrɛ yili kumo nna fanɛ abaanaaworasheŋ, e beeŋ wora kumo. K maaŋ chɛr gba.

2 Samuɛl 7:22

kananɛ fo Enyɛnpetale be keshi du! Fo nawule e la Ebɔrɛ. Dra kikɛ nɛ an nyi fo ka la Ebɔrɛ.

1 Kronikɛls 16:25

Enyɛnpe Ebɔrɛ kɔ eleŋ nseŋ daga kemaŋkura. Mo e daga bunyaŋ a chɔ agbir.

Nehemaya 4:14

Kumo be kaman nɛ n wu fanɛ basa na be ŋgbene jija bumo, nɛ ŋ kaŋɛ bumo nɛ bumo be bejuŋkparpo nɛ ekrachi na le: “Men sa maa ŋana anyi doŋana ere. Men baa nyiŋi kananɛ Enyɛnpe na be eleŋ shi ga nɛ kananɛ mbe asheŋ bee keta kufu. Amoso men leŋ menyi be amu to nseŋ kɔ kenishipereso n sa menyi be basa nɛ mbia nɛ beche nɛ elantoebi!”

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Job be kawɔl 36:26

Anyi maaŋ tiŋ m pin Ebɔrɛ be keshi to, ŋko n tiŋ ŋ karga mbe nfɛ nɛ e ji.

Nshɛ 135:5

N nyi fanɛ Enyɛnpe Ebɔrɛ na shi ga a chɔ agbirana kikɛ.

Nshɛ 145:3

Enyɛnpe Ebɔrɛ na shi ga, nseŋ daga fanɛ b baa kpaŋ mo saŋkama. Ekama maaŋ tiŋ m pin mbe kishi na to.

Nshɛ 2:9

Feeŋ ta fo kebɛlso be kuwurkpabi n ji amo so kuwura. Fo alɛ beeŋ bure amo to fanɛ ebɔ be kapuya na

Nshɛ 48:1

Enyɛnpe Ebɔrɛ na shi nseŋ daga an ka fur mo ga ashi kadegboŋ nɛ e wɔ kumo to nɛ k tase mbe kebeegboŋ cheembi nɛ baa tre Zayɔn na so na.

Nshɛ 96:4

Ŋkpal manɛ so, Enyɛnpe Ebɔrɛ shi ga, nseŋ daga fanɛ ekama e baa kpaŋ mo nsaa ŋana mo a chɔ agbirana kikɛ.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Danɛl 2:24

Ndoŋ nna nɛ Danɛl bɛta n yɔ Ariɔk nɛ ewura na kaŋɛ fanɛ e ya mɔ besoetojipoana na kutɔ n ya kaŋɛ mo le: “Sa maŋ kaŋ mɔ besoetojipoana na. Keta ma n yɔ ewura na kutɔ nɛ n ya kaŋɛ mo mbe edare na be kifito.”

Danɛl 2:28

Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 2:29

Yiramu, fo ka daa di na, fo daŋ ku edare ko a yɔ kusɔ nɛ k beeŋ wora echefoso nna. Ebɔrɛ nɛ e bee bugi alemaŋkarsheŋ be wulo to na, e lara kusɔ nɛ k bee shin nɛ k wora na ŋ ŋini fo.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 8:25

Ŋkpal mbe kafulesheŋ so, asheŋ beeŋ baa nyalɛ n sa mo nɛ e fara a wu mbe kumu fanɛ e bɔ basa damta. E beeŋ mur basa damta nseŋ koso a kɔ Ebɔrɛ nɛ e la bewura kikɛ to be ewura na. Ama Ebɔrɛ be eleŋ beeŋ ba mur mo cheche.

Heegai 2:22

Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 21:24

Nɛ Yesu kaŋɛ bumo: “Ma alɛ gba beeŋ bishi menyi kesheŋ bishiso ko nɛ men baŋ sa ma kumo be kifito, kumo ere ma alɛ gba beeŋ kaŋɛ menyi kakpa nɛ eleŋ nɛ ŋ kɔ a wɔtɔ a wora asheŋ na shi.

Matiu 24:35

Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!

Luuk 17:20

Kachako Efarisiana ko bishi Yesu saŋɛ nɛ Ebɔrɛ be kuwura na beeŋ ba nɛ e kaŋɛ bumo le: “Ebɔrɛ be kuwura na be keba maŋ la kusɔ nɛ k beeŋ bar asɔ ko nna nɛ men wu amo geeŋ pɔɛŋ nɛ k ba.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Kelaraŋŋini 1:19

Amoso, sibɛ asɔ nɛ fo wu ere, asɔ nɛ a wɔtɔ naniere nɛ amo nɛ a beeŋ wora kachako so na n nase.

Kelaraŋŋini 19:17

Nɛ n wu malaika ko ka yil epeŋi so nseŋ malga awɔrso ŋ kaŋɛ mbuibi nɛ a bee firgi kumu so na kikɛ le: “Men ba. Men shɛr Ebɔrɛ be kejigboŋ na ase

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”