Danɛl 2:40 - EBƆRƐ BE KAWƆL

⁴⁰ Nɛ kuwurgboŋ nasopo nɛ k kɔ eleŋ fanɛ kebɛlso e ba bɛ so. Kananɛ kebɛlso bee tiŋ a bure asɔ kikɛ to na, loŋ koŋwule nɛ k beeŋ bure nseŋ gboŋi kuwurgboŋ kama nɛ k juŋkpar kumo na to.

Danɛl 2:40 ပူးပေါင်းရင်းမြစ်များ

Job be kawɔl 9:17

E beeŋ shin nɛ bɔrɛfugboŋ e doro ma n ti so, nɛ m maŋ wora shɛŋ.

Jɛremaya 15:12

Kede be kaman nɛ Enyɛnpe Ebɔrɛ naŋ kaŋɛ ma fanɛ ŋ kaŋɛ basa na le: “Juda be basa, kananɛ menyi maaŋ tiŋ m bu kebɛlso nɛ epal be weato to na, aloŋ nɛ menyi maaŋ tiŋ ŋ kɔ m pɔɔ bedoŋ nɛ baaŋ shi kelargato be esoso be kaba so m ba kɔ menyi na so.

Danɛl 2:33

Kumo be aya malɛ daa la abɛlso nna, nɛ kumo be ayadra malɛ la abɛlso nɛ ebɔ be weato.

Danɛl 2:39

Fo kuwura ere be kaman kuwurgboŋ ko nɛ k maŋ fo feya ere so beeŋ ba, kumo alɛ be kaman nɛ danyaŋ be kuwurgboŋ e bɛ so n ji durnya kikɛ so kuwura.

Danɛl 2:41

Kuwurgboŋ nasopo na beeŋ barga to nna nɛ kumo be kaba e baa kɔ eleŋ nɛ kaba malɛ e pɔshi fanɛ kananɛ fo wu kapɔrduli na be ayadra nɛ anashibi ka la ebɔ nɛ kebɛlso be weato na.

Danɛl 7:7

Kusɔbɔya nasopo na daa kɔ eleŋ ga a chɔ bumo nɛ b ka na nɛ kumo be asheŋ kɔ kufu ga. K daa kɔ abɛlso be anyii bɛaŋbilaŋ bɛaŋbilaŋ nna a kpɛa kusɔ kama nɛ k tu to nsaa chichi amo nɛ a ka malɛ so a bɛa to. Kumo alɛ daa kɔr asɔbɔya nɛ a ka na kikɛ to nna nsaa kɔ alambɛ kudu ashi kumo be kumu so.

Danɛl 8:24

E beeŋ ba kaa kɔ eleŋ ga ama eleŋ na maaŋ ba shi mo gbagba kutɔ. E beeŋ jija asɔ damta nɛ k chinchiŋ basa. E beeŋ mur basa lempo nɛ Ebɔrɛ be basa gba kikɛ.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Eemɔs 1:3

Enyɛnpe Ebɔrɛ na yɛ: “Damaskɔs be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka kɔrfɛ Giliad be basa fanɛ kananɛ gbaŋɛ bee gberge ŋgbuliŋ nyɛrɛnyɛrɛ a bri ayu na so.

Baru lela nɛ Jɔn kute na 11:48

An baŋ yige mo nɛ e wɔtɔ a wora le be asheŋ ere, ekama beeŋ yirda mo nɛ Romebi na e ba m ba jija anyi be bɔrɛlambu ere nseŋ ta anyi be efuli ere kikɛ n ti so.”