Danɛl 2:39 - EBƆRƐ BE KAWƆL

³⁹ Fo kuwura ere be kaman kuwurgboŋ ko nɛ k maŋ fo feya ere so beeŋ ba, kumo alɛ be kaman nɛ danyaŋ be kuwurgboŋ e bɛ so n ji durnya kikɛ so kuwura.

Danɛl 2:39 ပူးပေါင်းရင်းမြစ်များ

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Danɛl 10:20

Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.

Danɛl 2:32

Shuwa lela nɛ b daŋ ta n lɔŋɛ kumo be kumu nseŋ ta gbiti malɛ n lɔŋɛ kumo be kagbene nɛ mbre; n ta danyaŋ n lɔŋɛ kumo be nteto n ya fo kumo be abembi to.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Danɛl 2:40

Nɛ kuwurgboŋ nasopo nɛ k kɔ eleŋ fanɛ kebɛlso e ba bɛ so. Kananɛ kebɛlso bee tiŋ a bure asɔ kikɛ to na, loŋ koŋwule nɛ k beeŋ bure nseŋ gboŋi kuwurgboŋ kama nɛ k juŋkpar kumo na to.

Danɛl 7:23

Kananɛ e daŋ bugi kumo to ŋ kaŋɛ ma nde: “Kusɔbɔya nasopo na yili nna a sa kuwurjigboŋ nasopo nɛ k beeŋ ba durnya ere to m ba kaa kɔr kuwurji kikɛ to. K beeŋ chichi durnya ere kikɛ so m buri kumo to cheche.

Danɛl 8:20

Kpakpa nɛ k kɔ alambɛ anyɔ na yili nna a sa Midia nɛ Pɛshiya be efuli so be bewura.

Danɛl 8:21

Kaboe na yili nna a sa Griis be efuli so be kuwurji, nɛ kelambɛ gboŋgboŋi nɛ k yuu kumo be anishi anyɔ be nferinto na yili a sa Griis be efuli so be ewura sososo na.

Zakareya 6:3

Egbaŋɛ fuful e daa gberge gbaŋɛturko sasopo na nɛ egbaŋɛ muchɛr muchɛr malɛ daa gberge kenasopo na. Egbaŋɛ na kikɛ daa gberge amo eleŋso nna.

Zakareya 6:6

Egbaŋɛ lembir na daa gberge gbaŋɛturko na nna a yɔ Babilɔn be efuli so nɛ k wɔ kelargato be esoso be kaba so na, nɛ egbaŋɛ fuful na malɛ daa yɔ epeŋitɔrkpa be kaba so nɛ bemuchɛr muchɛr na malɛ daa yɔ kelargato be kaseto be kaba so.