Danɛl 2:28 - EBƆRƐ BE KAWƆL

²⁸ Ama Ebɔrɛ nɛ e wɔ esoso na nawule e naa tiŋ a lara alemaŋkarsheŋ be wulo efuli. Yiramu, mo e lara kusɔ nɛ k beeŋ wora echefoso ŋ ŋini fo. Naniere bre meeŋ kaŋɛ fo edare nɛ fo ku saŋɛ so nɛ fee di na.

Danɛl 2:28 ပူးပေါင်းရင်းမြစ်များ

Jɛnesis 40:8

Nɛ b kaŋɛ mo le: “Anyi benyɔ kikɛ ku edareana nna, anyi alɛ maŋ nya esa kama nɛ e kute amo be afito n sa anyi.” Nɛ Josɛf kaŋɛ bumo: “Edareana be afito be kekute kikɛ wɔ Ebɔrɛ kutɔ nna, amoso, men kaŋɛ ma men be edareana na.”

Jɛnesis 41:16

Nɛ Josɛf kaŋɛ mo: “Ewura Fɛɛro, ŋ gbagba maaŋ tiŋ n wora loŋ, ama Ebɔrɛ beeŋ chɛ ma to nɛ n sa fo edare na be kifito kananɛ k daga.”

Jɛnesis 41:25

Ndoŋ nna nɛ Josɛf kaŋɛ Fɛɛro le: “Fo edareana na be afito la kukoŋwule nna a maŋ kɔr abar to. Ewura Fɛɛro, Ebɔrɛ lara kusɔ nɛ e bee shin nɛ e wora nna ŋ ŋini fo.

Jɛnesis 49:1

Kachako nɛ Jeekɔb kaŋɛ mbe bibinyɛnana na le: “Men gbargbar abar m ba ma anishito nɛ ŋ kaŋɛ menyi kusɔ nɛ k beeŋ nya menyi echefoso be asheŋ.

Nshɛ 115:3

Anyi be Ebɔrɛ na wɔ ebɔrɛso nna a wora kusɔ nɛ e bee sha.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 48:47

Ama kachako, ma, Enyɛnpe Ebɔrɛ na beeŋ naŋ bɛta Mowab be basa m ba nɛ b naŋ dii kedama. Ma, Enyɛnpe Ebɔrɛ e kaŋɛ na.

Ezikɛl 28:3

Fo alɛ naa fɛ fanɛ fo nyi asheŋ nna a chɔ Danɛl nɛ Babilɔn be ewura daŋ ta n wɔtɔ ebuluŋ to na, ŋko ashiri kikɛ maŋ ŋana fo so.

Ezikɛl 38:16

ŋ kre m ba buu bumo so fanɛ bɔrɛfugboŋ ka ba kasawule na so na. Jemanɛ na kaŋ fo, meeŋ shin nɛ men kɔ m pɔɔ ma kasawule so nɛ efuliana na e pin esa nɛ e la ma ashi kusɔ nɛ meeŋ bɔla menyi so n wora a ŋini ma kecheembiya na.”

Ezikɛl 38:8

ŋkpal manɛ so, nfɛ damta be kaman meeŋ kaŋɛ mo nɛ e ya kɔ m pɔɔ efuli ko nɛ kumo be basa daŋ gama abar n shi efuli pɔtɛ damtaana so m ba chena a maa ŋana kena na. E beeŋ pɔ Israɛl be basa nɛ b chena kayurwushi so ashi abee nɛ b daŋ shile ŋ ka amo n chɛr na so.

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 2:18

Nseŋ kaŋɛ bumo fanɛ b kule Ebɔrɛ nɛ e wɔ ebɔrɛso na nɛ e wu bumo kuwɔr m bugi alemaŋkarsheŋ na to n sa bumo, saŋɛ na so b maaŋ mɔ bumo nɛ Babilɔn be besoetojipoana na.

Danɛl 2:22

Fo e naa lara asheŋ chiŋgeliŋ nɛ ewulosheŋ be afito a ŋini basa; Fo e nyi kusɔ nɛ k ŋana tentembiri to nɛ kefulto malɛ kulti fo n wɔtɔ.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Danɛl 2:45

Fo wu kananɛ kejembu nɛ k maŋ shi dimɛdi be enɔ to shi esoso m ba ŋmɛa kapɔrduli nɛ b ta kebɛlso nɛ danyaŋ nɛ ebɔ nɛ gbiti nɛ shuwa n lɔŋɛ na. Yiramu, Ebɔrɛ lempo na bee kaŋɛ fo kusɔ nɛ k beeŋ wora kachako so nna na. Fo edare nɛ fo ku na nɛ kumo be kifito kikɛ nɛ ŋ kaŋɛ fo na.” Ewura na ka sa Danɛl kakɛ be asheŋ

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Nɔmbɛs 24:14

Kumo be kaman nɛ Balaam kaŋɛ Ewura Balak le: “Naniere bre mee bɛta a yɔ epe nna na, ama kefiɛso nɛ ŋ kɔ a sa fo a laŋɛ kusɔ nɛ Israɛlebi beeŋ wora menyi kachako so nde.”

Matiu 6:9

Men baa kule mo le: ‘An Tuto nɛ fo wɔ ebɔrɛso, shin nɛ fo ketre cheembi na e baa nya bunyaŋ,

Ditɛronɔmi 31:19

To, sibɛ kashɛ ere n nase naniere, nseŋ ŋini Israɛl be basa na nɛ b baa boŋ kumo; saŋɛ na so, baaŋ pin kusɔ nɛ mee sha fanɛ b baa wora nsaa maaŋ nya kusɔ ko n yili so ŋ kini kewora ma kasonu.

2 Timoti 3:1

Baa nyi fanɛ lalaloge be nchɛ na to, tɔrɔ damta beeŋ tɔr basa so.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

Kelaraŋŋini 1:1

Yesu Kristo be asɔ nɛ Ebɔrɛ sa mo nɛ e lara ŋ ŋini mbe anya nde. A la asɔ nɛ a maaŋ chɛr nseŋ wora nna nɛ e shuŋi mbe kabɔ fanɛ e ba lara amo ŋ ŋini ma, mbe kenya Jɔn