Danɛl 2:21 - EBƆRƐ BE KAWƆL

²¹ Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 2:21 ပူးပေါင်းရင်းမြစ်များ

1 Bewura 10:24

Durnya to be bewura kikɛ daa fin kananɛ baaŋ baa ba mo kutɔ nna m ba kaa nu mbe kanyiasheŋ be mmalga nɛ Ebɔrɛ ta n sa mo na be asheŋ.

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Bewura 4:29

Ebɔrɛ daŋ sa ewura Sɔlɔmɔn kanyiasheŋ nɛ asheŋ be kepinto nɛ nfɛra alegaiso nna.

1 Kronikɛls 22:12

Enyɛnpe nɛ e la fo Ebɔrɛ na e sa fo kanyiasheŋ nɛ nfɛra nɛ fo baa wora asheŋ amo be ekpa so, nseŋ juŋkpar Israɛl ashi mbe mbra be ekpa so nɛnɛ.

1 Kronikɛls 29:30

Asheŋ nɛ b daŋ sibɛ n wɔtɔ nwɔl na to daa ŋini kananɛ e daŋ ji kuwura, nɛ kananɛ e ji eleŋ, nɛ asheŋ nɛ a tu mo nɛ Israɛl be efuli, nɛ efuliana nɛ a kulti kumo na kikɛ.

Ɛsta 1:13

Saŋkama malɛ, pɔɛŋ nɛ ewura na e wora kusɔ ko a laŋɛ bumo be daŋkare nɛ mbra be ekpa so, e bee tre mbe benyiashempo nna m bishi bumo kusɔ nɛ k daga kewora. Amoso e daŋ tre mbe basa nɛ baa ji mo asoeto nna m bishi bumo kusɔ nɛ k daga fanɛ e wora.

Job be kawɔl 12:18

Mo e naa gboŋi bewura kuwura to nsaa shin nɛ baa nya efɔl a wɔtɔ bumo be nshɛr to a gberge bumo a yɔ fanɛ anya na.

Ɛksodɔs 31:3

nɛ n ta ma kiyoyu n wɔtɔ mo to nseŋ sa mo kasɔwora kikɛ be kenyi nɛ ketiŋ n wora be eleŋ nɛ kasɔlɔŋɛ be kepinto kikɛ nyam be nfɛra na.

Ɛksodɔs 31:6

Ma alɛ naŋ lara Oholiab nɛ e la Ahisamak malɛ pibinyɛn ashi Dan be kanaŋ to nna fanɛ e baa chɛ Besalɛl to a shuŋ. Bekama malɛ gba nɛ b ti so a kɔ enɔ to be kushuŋ be kenyi na, n sa bumo kikɛ kenyi damta, saŋɛ na so, baaŋ tiŋ n wora asɔ kama nyam nɛ ŋ kaŋɛ fo fanɛ b wora na.

Danɛl 1:17

Ebɔrɛ daŋ sa mbrantiɛfɔlbi ana na nwɔl be kenyi nɛ asheŋ be kepinto nna, nseŋ ta kebaa tiŋ a kute bɔrɛdare nɛ edare gbagba be afito be kenyi n ti Danɛl bre so.

Danɛl 10:1

Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 11:6

Ijipt be efuli so be ewura na baŋ ji kuwura na n ya fo saŋko, mo nɛ Siriya be efuli so be ewura beeŋ wora kɔnɔkoŋwule nɛ e ta mo pibiche n sa Siriya be efuli so be ewura na nɛ e kil. Ama loŋ be kɔnɔkoŋwule na maaŋ chɛr nɛ b mɔ mo pibiche na nɛ mo kul nɛ mbe kebia nɛ mbe mbita, nɛ b tu mo n yɔ ndoŋ na kikɛ.

Danɛl 2:20

“Kapandi e baa la fo Ebɔrɛ na peya mbaanaayɔ ŋkpal fo kanyiasheŋ nɛ eleŋ nɛ fo kɔ so.

Danɛl 2:23

N nananyɛnana be Ebɔrɛ, mee di fo epaŋ nsaa bunyaŋ fo. Fo e sa ma kanyiasheŋ nɛ eleŋ; fo alɛ nu ma kabɔrɛkule nseŋ ŋini ma ewura na be edare na be kifito.”

Danɛl 2:9

fanɛ, nɛ men baa maŋ kaŋɛ ma edare nɛ ŋ ku na, meeŋ sa menyi kikɛ kasogberge koŋwule na so. Men wora kɔnɔkoŋwule nna a ku efɛ a fɛ fanɛ loŋ beeŋ shin nɛ asheŋ e chɛrga. Nɛ men baŋ kaŋɛ ma edare nɛ ŋ ku na, kumo ere m baa nyi fanɛ menyeeŋ tiŋ ŋ kaŋɛ ma kumo be kifito gba.”

Danɛl 4:14

nseŋ boŋ to eleŋso ŋ kaŋɛ le: Men ku kedibi na n lɛ nseŋ kpele kumo be ayabi so. ‘Men nyia kumo be afantaŋ n lɛ nseŋ franyaŋ kumo be asɔrso to n lɛ. Men ju asɔbɔya ashi kumo be kifito nseŋ ju mbuibi nɛ b jɔŋ kumo be ayabi so na.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:22

Yiramu, fo e la loŋ be kedibi tenteŋ lempo na. Fo eleŋ nɛ kemaŋkura wora kishi hale n ya fo awɔlpa so kikɛ, nseŋ salga to hale n ya fo durnya ere be kaplɛkama.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”