Danɛl 2:20 - EBƆRƐ BE KAWƆL

²⁰ “Kapandi e baa la fo Ebɔrɛ na peya mbaanaayɔ ŋkpal fo kanyiasheŋ nɛ eleŋ nɛ fo kɔ so.

Danɛl 2:20 ပူးပေါင်းရင်းမြစ်များ

Jɛnesis 14:20

Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

1 Bewura 8:56

“Kemaŋkura e baa la Enyɛnpe Ebɔrɛ nɛ e nase kɔnɔ fanɛ e beeŋ sa mbe basa kagbenewushi na peya. E daŋ bɔla mbe kayɛrbi Mosis so nna n shin nɛ mbe nnɔ naseso nɛ e nase n sa bumo na kikɛ bɔlɔ so.

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

2 Kronikɛls 20:21

Ewura na ka malga basa na kutɔ n loge, nɛ e shin nɛ beshɛbompo ko ta epiŋi nɛ baa buu nchɛgboŋ achɛ na m buu n juŋkpar benapo na nsaa a boŋ nshɛ a kaŋɛ le, “Kemaŋkura e baa la Enyɛnpe Ebɔrɛ na peya! Mbe kasha wɔtɔ nna hale mbaanaayɔ!”

Nehemaya 9:5

Ndoŋ nna nɛ Joshuwa nɛ Kadmiɛl nɛ Bani nɛ Hashabnaya nɛ Sherebia nɛ Hodia nɛ Shebania nɛ Petahiya nɛ b shi Livai be yiri to na kaŋɛ basa le: “Men koso n yili nseŋ boŋ to m maŋkura Enyɛnpe menyi be Ebɔrɛ nɛ e wɔ ŋkpa to mbaanaayɔ na. Men maŋkura mbe mamachi be Ketre na, E shi ga nɛ kɔnɔ to be mmalga maaŋ tiŋ n ji mbe asheŋ.”

Nshɛ 113:1

Men kpaŋ Enyɛnpe Ebɔrɛ na awɔrso! Menyi nɛ menyee shuŋ Enyɛnpe Ebɔrɛ na, e kpaŋ mbe ketre na.

Nshɛ 113:2

Men shin nɛ basa kikɛ e baa kpaŋ Enyɛnpe Ebɔrɛ na be ketre naniere hale mbaanaayɔ.

Nshɛ 115:18

Anyi nɛ an wɔ ŋkpa to ere nawule e naŋ tiŋ a di mo epaŋ naniere hale mbaanaayɔ. Men kpaŋ Enyɛnpe Ebɔrɛ na!

Nshɛ 147:5

An Nyɛnpe Ebɔrɛ na shi alegaiso nsaa kɔ eleŋ ga. Mo alɛ bee pin kusɔ kama to nna.

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Aŋasa 8:14

Ma e naa kre ŋkre nsaa wora a bɔlɔ so na. Ma e naa pin asheŋ to, nsaa kɔ eleŋ na.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Ezikɛl 28:3

Fo alɛ naa fɛ fanɛ fo nyi asheŋ nna a chɔ Danɛl nɛ Babilɔn be ewura daŋ ta n wɔtɔ ebuluŋ to na, ŋko ashiri kikɛ maŋ ŋana fo so.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso

Kelaraŋŋini 5:12

nsaa boŋ le awɔrso a kaŋɛ: “Kpakpafɔlbi nɛ b mɔ na e daga nɛ e nya eleŋ nɛ dama nɛ kanyiasheŋ nɛ kuwibi to be eleŋ nɛ bunyaŋ nɛ kemaŋkura nɛ epaŋ be kedi.”