Danɛl 12:6 - EBƆRƐ BE KAWƆL

⁶ Nɛ basa na be eko bishi malaika nɛ e yil lɔr na be esoso be kaba so na le: “Saŋɛ mo nɛ mamachi be asheŋ ere beeŋ fo amo be ekar?”

Danɛl 12:6 ပူးပေါင်းရင်းမြစ်များ

Nshɛ 74:9

Emamachisheŋ maŋ naa wɔtɔ, anebiana na gba maŋ naa wɔtɔ. Ekama malɛ maŋ nyi saŋɛ nɛ asheŋ na beeŋ fo amo be ekar.

Ezikɛl 9:2

Epul to nɛ benyɛn ashe ko shi bɔrɛlambu na be kabuna nɛ k wɔ kelargato be esoso be kaba so na m ba. Bumo be ekama daa bɔ kekɔsɔ enɔ to nna. Kanyɛn ko nɛ e daŋ buu piŋi lela nsaa kɔ kasibɛ be asɔ enɔ to gba daŋ ti bumo so nna. Bumo kikɛ ba luri bɔrɛlambu na to nna n ya yili danyaŋ be bɔrɛsure na ase.

Danɛl 12:5

Ndoŋ nna nɛ n wu basa anyɔ ko ka yil lɔrkar. Eko wɔ kaba ndoŋ nɛ eko malɛ wɔ kaba nfe.

Danɛl 12:8

N daŋ nu kusɔ nɛ e kaŋɛ ama ma alɛ daa maŋ pin to. Ndoŋ nna nɛ m bishi mo le: “Jande, nuso nɛ asheŋ ere be lalaloge beeŋ ba ki?”

Danɛl 8:13

Kumo be kaman nɛ n nu Ebɔrɛ be emalaika na be eko ka bee bishi mo barkasa le: “Nchɛ afanɛ nɛ asɔ nɛ b wu bɔrɛdare ere to ere beeŋ ji n ya fo? Nchɛ afanɛ nɛ le be alubisheŋ nɛ a maŋ walɛ kekeni ere beeŋ sɔ karechɛ kama be esarga be kelara ere be kakpa? Alɛ fanɛ nɛ baaŋ chichi n chichi ebɔrɛso be benapo na nɛ bɔrɛlambu na so?”

Danɛl 8:16

Nɛ n nu ebɔl ka shi nchu nɛ b kur nɛ baa tre Ulai na ase a kaŋɛ le: “Geebriɛl, bugi to ŋ kaŋɛ mo kusɔ nɛ e wu na be kifito.”

Matiu 24:3

Kamalga na be kaman nɛ Yesu lar ndoŋ n ya kaa tase Ɔlifs be kebee na so nɛ bebɛsopo na ŋana m ba mo kutɔ m ba bishi mo: “Kaŋɛ anyi saŋɛ mo nɛ kesheŋ nɛ fo malga na beeŋ ba nɛ manɛ malɛ e naaŋ ŋini fanɛ fo keba na be jemanɛ taga to nɛ durnya be ekar na malɛ fo.”

Maak 13:4

“Kaŋɛ anyi saŋɛ mo nɛ kesheŋ nɛ fo malga na beeŋ ba nɛ manɛ malɛ e naaŋ ŋini fanɛ loŋ be jemanɛ na fo.”

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

Kelaraŋŋini 15:6

Ndoŋ nna nɛ emalaika ashunu ko nɛ etɔrɔ ashunu ko shi bɔrɛlambu na to n lar. B daŋ buu m buu asɔbuuso lela nna nɛ a walɛ so n fuli le parrbi nseŋ ta shuwa be kreso peŋgeleŋ peŋgelembi ko ŋ kre bumo be ntetoana so.

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”