Danɛl 12:4 - EBƆRƐ BE KAWƆL

⁴ Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Danɛl 12:4 ပူးပေါင်းရင်းမြစ်များ

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 29:11

Kewuŋkaŋɛ be bɔrɛdare kikɛ be kifito beeŋ ŋana menyi so. K beeŋ baa du fanɛ kawɔl nɛ b ber so nna n ta n sa menyi. Men ta kumo n yɔ esa nɛ e nyi kakraŋ kutɔ fanɛ e kraŋ kumo n sa menyi gba, e beeŋ kaŋɛ fanɛ e maaŋ tiŋ ŋkpal k kaa ber so so.

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Aizaaya 32:3

Baaŋ bugi anishi a wu nseŋ bugi asoe a nu basa be asheŋ tirso.

Aizaaya 8:16

Menyi nɛ men la ma bebɛsopo ere daga fanɛ men baa kuŋ nsaa keta abɔya nɛ Ebɔrɛ ta n sa ma ere nɛnɛ.

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Danɛl 10:1

Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 11:33

Bejuŋkparpo nyiashempoana na beeŋ ŋini basa damta asheŋ, nɛ b mɔ bumo be beko kena to ŋko nɛ b chɔɔ bumo m mɔ, n suge beko malɛ be asɔ nseŋ ti bumo ebu. Ama kumo be loŋ maaŋ chɛr.

Danɛl 11:40

Siriya be efuli so be ewura na be lalaloge be saŋɛ kaŋ taga to, Ijipt be efuli so be ewura na beeŋ ba kɔ mo kena, nɛ mo alɛ e ta egbaŋɛturko nɛ egbaŋɛdiipoana nɛ nchu so be ekuloŋgboŋ damta n tu mo ŋ kɔ kena na. Siriya be ewura beeŋ kɔ n sɔ efuli damtaana fanɛ kananɛ nchu bee bɔlɔ a sɔ kaplɛkama na.

Danɛl 12:13

Amoso Danɛl, ji kashenteŋ n ya fo lalaloge be jemanɛ na. Fo wu gba, feeŋ tiŋi luwu to n sɔ fo kakɔka.”

Danɛl 12:5

Ndoŋ nna nɛ n wu basa anyɔ ko ka yil lɔrkar. Eko wɔ kaba ndoŋ nɛ eko malɛ wɔ kaba nfe.

Danɛl 12:9

Nɛ e kaŋɛ ma le: “Danɛl baa yɔ, ŋkpal manɛ so, a daga mmalga ere ka la wulo be mmalga nna n ya fo durnya be lalaloge.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Danɛl 8:26

Bɔrɛdare nɛ fo wu a laŋɛ nchɛ ŋgboŋ anyɔ nɛ alfa asa be kaplɛa so ere beeŋ bɔlɔ so kashenteŋto, ama shin nɛ k ba la wulo to be kesheŋ, ŋkpal manɛ so, k beeŋ chɛr nna pɔɛŋ nseŋ wora.”

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Romebi 10:18

Ama kesheŋ bishiso nɛ ŋ kɔ nde: “Kashenteŋ nna fanɛ b maŋ nu kubɔya na a?” Cha, b nu. Loŋ malɛ nɛ abɔrɛsibɛ na bee kaŋɛ na fanɛ: “Bumo be ebɔl fo kasawule ere so be kaplɛkama nɛ bumo be mmalga yɔ durnya ere be ekar kikɛ.”

Kelaraŋŋini 10:4

Bumo alɛ ka baŋ shuli so na nɛ n daa shin nɛ n sibɛ nseŋ naŋ nu ebɔl ka shi ebɔrɛso ŋ kaŋɛ ma: “Ta tɔɔnɛ be kebersobi m ber asɔ nɛ bɔrɛ be egbri ashunu na ka kaŋɛ na nsaa maŋ sibɛ asheŋ na n nase.”

Kelaraŋŋini 22:10

Kede be kaman nɛ e kaŋɛ ma: “Sa maŋ kaŋ ta le be mmalgawuŋkaŋɛ ere ŋ ŋana wulo to, ŋkpal manɛ so, jemanɛ na bee taga to.

Kelaraŋŋini 5:1

Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.