Danɛl 12:2 - EBƆRƐ BE KAWƆL

² Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Danɛl 12:2 ပူးပေါင်းရင်းမြစ်များ

Aŋasa 12:8

Esa be kanyiasheŋ e naa sa mo kechɔrɔ, nɛ kawulisheŋ malɛ bee shin nɛ baa keni esa jiga.

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Aizaaya 66:24

Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Ezikɛl 37:12

Amoso kaŋɛ bumo fanɛ ma, Enyɛnpetale Ebɔrɛ na bee sha kebugi bumo be nchaŋana nna nɛ b lar m bɛta m ba Israɛl be kasawule so.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Ashuŋ Shunso 24:15

Tama koŋwule nɛ basa ere kɔ Ebɔrɛ so na nɛ ma alɛ gba kɔ, kumo e la fanɛ basa lela nɛ belubi kikɛ nyam beeŋ ba tiŋi luwu to.

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Romebi 9:21

Mannɛ epɔrpo e kɔ mbe ebɔ be eleŋ nɛ e tiŋ ŋ ku ebɔ na be ako m pɔr nchɛgboŋ be kusɔ jiso to be kusɔ nseŋ naŋ tiŋ n ta ebɔ na be ako malɛ m pɔr kachɛ kama malɛ be kusɔ jiso to be kusɔ a?

1 Tɛsalɔnikaebi 4:14

An kɔ yirda fanɛ Yesu wu n tiŋi luwu to. Amoso, an nyi fanɛ Ebɔrɛ beeŋ shin nɛ Yesu nɛ basa nɛ b yirda mo pɔɛŋ nseŋ wu na e ba.

Kelaraŋŋini 20:12

Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.